الماتىدا ءبىر توپ قاراقشى پاتەرگە باسىپ كىرىپ، ءۇي يەلەرىن سوققىعا جىققان. ولار ءۇي يەلەرىن اڭشى مىلتىعىمەن قورقىتىپ، اقشانىڭ قايدا جاسىرىلعانىن ايتۋدى تالاپ ەتكەن، دەپ حابارلايدى Aqshamnews.kz ءتىلشىسى.
قىلمىس ءساتىن شابۋىلداۋشىلار وزدەرى ۆيدەوعا تۇسىرگەن. بەتتەرىن جاسىرىپ، ۇيدەگىلەردى ۇرىپ-سوققان. ءۇي يەلەرىنىڭ ءبىرى بولمەگە بەكىنگەنىمەن، كۇدىكتىلەر ەسىكتى بۇزىپ كىرىپ، قارۋمەن قوقان-لوقى كورسەتكەن.
كەيىن پوليسەيلەر قالاداعى كومپيۋتەرلىك كلۋبتاردىڭ بىرىندە التى كۇدىكتىنى ۇستادى. ءتىنتۋ بارىسىندا اڭشى مىلتىعى مەن وق-دارىلەر تاركىلەندى. اتالعان فاكتى بويىنشا قىلمىستىق ءىس قوزعالىپ، تەرگەۋ باستالدى. الماتى قالالىق پد رەسمي وكىلى سالتانات ازىربەكتىڭ ايتۋىنشا، بارلىق قاتىسۋشىلار انىقتالىپ، كۇدىكتىلەر قاماۋعا الىنعان.