ءوق-دارى سالىنعان پاكەتتەر جەردەگى كارىزگە جاسىرىلعان.
الماتىدا قارۋ-جاراق پەن ءوق-دارى ساقتالعان تاعى ءبىر ورىن تابىلدى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتىنىڭ مالىمەتىنشە، ۇستالعان كۇدىكتىلەر كىناسىن مويىنداپ، قارۋ-جاراق جاسىرعان جەردى كورسەتتى.
بۇل جولى جاسىرىن ورىن ۇلتتىق پارك اۋماعىندا، ورمان بەلدەۋىندە ورنالاسقان.
«تاپانشالار، پاتروندار، پوليسيا كيىمدەرى سالىنعان پاكەتتەر جەردەگى كارىزگە جاسىرىلعان. ءۇش تاپانشا، ءبىر جاۋىنگەرلىك جانە 15 گراناتا، ماكاروۆ تاپانشاسىنان 100-دەن استام پاترون، 107 كالاشنيكوۆ اۆتوماتى، 16 اڭشىلىق مىلتىق، ەكى وق وتپەيتىن جيلەت، پروتيۆوگاز، راديوستانسيا، پوليسيا فورماسى، كامۋفلياجدىق ريۋكزاك، سونىمەن قاتار، 2،4 اقش دوللارى كولەمىندەگى قولما-قول اقشا تابىلدى. قارۋ-جاراق جاپپاي تارتىپسىزدىكتەر كەزىندە ۇرلانعان بولۋى مۇمكىن»، – دەدى الماتى قالاسى بويىنشا قاجد سي-18 جەدەل جۇمىس جونىندەگى باستىقتىڭ ورىنباسارى ازامات امانجولوۆ.
اتالعان دەرەك بويىنشا مەدەۋ اۋداندىق پوليسيا باسقارماسىندا ق ر قك-نىڭ 287-بابى 2-بولىگى بويىنشا سوتقا دەيىنگى تەرگەۋ امالدارى باستالدى.