الماتىنىڭ وڭىرلىك كوممۋنيكاسيالار قىزمەتىنىڭ الاڭىندا قوسىمشا قاجەتتىلىكتەرى بار تۇلعالار ءۇشىن قارجىلىق قىزمەتتەردىڭ قولجەتىمدىلىگى ماسەلەلەرىنە ارنالعان باسپا ءسوز كونفەرەنسياسى ءوتتى دەپ حابارلايدى Almaty-akshamy.kz
قارجى نارىقتارىن رەتتەۋ جانە دامىتۋ اگەنتتىگىنىڭ قارجى قىزمەتتەرىن تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى الەكساندر تەرەنتيەۆتىڭ ايتۋىنشا، ۆەدومستۆو مۇگەدەكتىگى بار ادامدار ءۇشىن كەدەرگىسىز جانە ىڭعايلى ورتا قۇرۋ ماسەلەلەرىنە ەرەكشە نازار اۋدارادى.
ايتا كەتەيىك، مەملەكەت باسشىسى قول قويعان 2023 جىلعى 7 ماۋسىمداعى «مۇگەدەكتەردىڭ قۇقىقتارى جونىندەگى كونۆەنسيا تۋرالى فاكۋلتاتيۆتىك حاتتامانى» راتيفيكاسيالاۋ تۋرالى زاڭدى ىسكە اسىرۋ شەڭبەرىندە اگەنتتىكتىڭ باستاماسى بويىنشا ق ر ساۋدا جانە ينتەگراسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى «مۇگەدەكتىگى بار ادامدارعا جانە باسقا دا موبيلدىلىگى تومەن توپتارعا قىزمەت كورسەتۋ بويىنشا قارجى ۇيىمدارى بولىمشەلەرىنىڭ قولجەتىمدىلىگىنە قويىلاتىن تالاپتار» ۇلتتىق ستاندارتىن بەكىتتى.
«ۇلتتىق ستاندارت مۇگەدەكتىگى بار ادامدارعا قىزمەت كورسەتۋ ءۇشىن قارجى ۇيىمدارى بولىمشەلەرىنىڭ قولجەتىمدىلىگىنە قويىلاتىن جالپى تالاپتاردى قاراستىرادى، ولار مۇگەدەكتىگى بار ادامدارعا قارجى ۇيىمدارىنىڭ عيماراتتارى مەن ءۇي-جايلارىن بەيىمدەۋدى قامتيدى، وسى ساناتتاعى كليەنتتەرگە قىزمەت كورسەتۋ ەرەكشەلىكتەرىن، سونداي-اق وسى ساناتتاعى ادامدارمەن جۇمىس ىستەۋ كەزىندە قارجى ۇيىمدارى پەرسونالىن وقىتۋ جانە ولاردىڭ قۇزىرەتىن ارتتىرۋ ماسەلەلەرىن بەلگىلەيدى»، - دەدى ا. تەرەنتيەۆ.
وسىلايشا، وسى نۇسقاۋلاردى ورىنداۋ ءۇشىن ءتيىستى بۇيرىق شىعارىلدى، ونى ىسكە اسىرۋ ءۇشىن بانكتەر مۇگەدەكتىگى بار ادامداردىڭ بارلىق ساناتتارى ءۇشىن قارجىلىق قىزمەتتەرگە تەڭ قولجەتىمدىلىكتى جاساۋ جانە قامتاماسىز ەتۋ ءۇشىن جەكە جوسپارلار ازىرلەيتىن بولادى.
«اتالعان قۇجاتتى قابىلداۋدىڭ الدىندا اگەنتتىك قايرات يمانالييەۆ اتىنداعى مۇمكىندىگى شەكتەۋلى ادامداردىڭ قۇقىقتارى جونىندەگى كوميسسيامەن بىرلەسىپ، «قازاقستان قارجىگەرلەرىنىڭ قاۋىمداستىعى» زتب، پارلامەنت سەناتىنىڭ دەپۋتاتى، ادام قۇقىقتارى جانە قارجى ۇيىمدارى بويىنشا ساراپشىلارمەن بىرلەسىپ اتقارعان ۇلكەن جۇمىسى بولعانىن اتاپ وتكىم كەلەدى»، - دەپ اتاپ ءوتتى ق. يمانالييەۆ اتىنداعى مۇمكىندىگى شەكتەۋلى ادامداردىڭ قۇقىقتارى جونىندەگى كوميسسيا» قب ءتوراعاسى گۇلميرا بۋراشيەۆا.
مۇمكىندىگى شەكتەۋلى ادامدار ءۇشىن جەكە جانە اقپاراتتىق قولجەتىمدىلىكتى قامتاماسىز ەتۋ، سونداي-اق مۇمكىندىكتەرى شەكتەۋلى كليەنتتەرمەن ءوزارا ءىس-قيمىل جاساۋ بويىنشا ادىستەمەلىك ۇسىنىستار ازىرلەندى جانە قابىلداندى. بۇل ۇسىنىستاردى بانكتەر 3 جىل بويى سىناپ كوردى.
بۇدان باسقا، بانكتەر بولىمشەلەردىڭ تەحنيكالىق ينفراقۇرىلىمىن جاڭعىرتۋ، سايتتار مەن ءموبيلدى قوسىمشالاردى بەيىمدەۋ، وسى ساناتتاعى تۇلعالارمەن جۇمىس ىستەۋ بويىنشا بىلىكتى پەرسونالدى دايارلاۋ بويىنشا جەكە جوسپارلار ازىرلەدى.
اگەنتتىك جۇمىس توبىنىڭ قاتىسۋشىلارىمەن بىرلەسىپ www.fingramota.kz ينتەرنەت-پورتالىنىڭ باستى بەتىندە قارجى ۇيىمدارى بولىمشەلەرىنىڭ ينفراقۇرىلىمى تۋرالى وزەكتى اقپاراتتى ۇسىنۋ ماقساتىندا «مۇمكىندىگى شەكتەۋلى تۇلعالار ءۇشىن بانك بولىمشەلەرىنىڭ قولجەتىمدىلىك كارتاسى» ورناتىلعان. وندا ەلىمىزدىڭ 28 قالاسىندا ەكىنشى دەڭگەيدەگى بانكتەردىڭ 350 بولىمشەسى ۇسىنىلعان.
«قارجىلىق قولجەتىمدىلىك پەن قارجىلىق ينكليۋزيانى ارتتىرۋ ماسەلەسىندە وزىق تاجىريبەسى بار حالىقارالىق ۇيىمدارمەن جانە شەت ەلدەردىڭ ورتالىق بانكتەرىمەن بىرلەسىپ، قارجى ۇيىمدارىنىڭ پەرسونالىن وقىتۋ جۇرگىزىلدى. اگەنتتىك ققق جانە قارجى ۇيىمدارىمەن بىرلەسىپ جۇيەلى نەگىزدە بارلىق ماقساتتى اۋديتوريالار، ونىڭ ىشىندە مۇمكىندىگى شەكتەۋلى جاندار ءۇشىن دارىستەر، ترەنينگتەر مەن ۆەبينارلار وتكىزەدى»، - دەپ تولىقتىردى ا.تەرەنتيەۆ.
سونداي-اق، اگەنتتىك قوسىمشا قاجەتتىلىكتەرى بار كليەنتتەردى سايكەستەندىرەتىن اقپاراتتىق جۇيەنى ينتەگراسيالاۋ ماسەلەسىن پىسىقتاۋدا. قورىتىندىسى بويىنشا Smart Bridge اقپاراتتىق جۇيەسىنە قوسىلۋ ماقساتىندا بانكتەرگە وتىنىمدەردى جىبەرۋ ءۇشىن سىلتەمە الىندى. بۇل بانكتەرگە وسى ساناتتاعى كليەنتتەردى انىقتاۋعا جانە ولارعا ساپالى قىزمەت كورسەتۋگە مۇمكىندىك بەرەدى.
«قارجىلىق قولجەتىمدىلىكتىڭ جوعارى دەڭگەيىن قامتاماسىز ەتۋ، اسىرەسە، حالىقتىڭ الەۋمەتتىك وسال توپتارىنىڭ اراسىنان الاياقتىق ارەكەتتەرگە ۇشىراۋىنا الىپ كەلەدى. 2021 جىلى اگەنتتىك بانكتەر مەن بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا ارنالعان ادىستەمەلىك ۇسىنىمدار ازىرلەدى. ادىستەمەلىك ۇسىنىمدار بانكتەردىڭ اپروباسياسىندا. مۇگەدەكتىگى بار ادام نەمەسە قارت ادام وزىنە قارجىلىق وپەراسيالار بويىنشا كومەكشى تاعايىنداي الادى. كومەكشى جوسپارلانعان قارجىلىق وپەراسيالار تۋرالى حابارلاما الادى، ولاردى قولداي الادى نەمەسە قابىلدامايدى»، - دەپ قورىتىندىلادى ا. تەرەنتيەۆ جۋرناليستەردىڭ سۇراقتارىنا جاۋاپ بەرە وتىرىپ.