بارلىعى سەگىز كۇدىكتى اشكەرەلەندى
الماتىدا قارجى پيراميداسى بويىنشا تاعى ەكى ايىپتالۋشى قاماۋعا الىندى، – دەپ حابارلايدى Polisia.kz.
«MUDARABAN CAPITAL» كومپانياسىنىڭ تاعى ەكى قىزمەتكەرى قارجى پيراميداسىن ۇيىمداستىردى دەگەن كۇدىكپەن ۇستالدى.
«بۇل كومپانيانىڭ نەگىزىن قالاۋشى 1988 جىلى تۋعان ج.ەسىمدى ازامات جانە باسقارما ءتوراعاسى قىزمەتىن اتقارعان 1983 جىلى دۇنيەگە كەلگەن ر.ەسىمدى ازامات. ولار ق ر قىلمىستىق ءىس جۇرگىزۋ كودەكسىنىڭ 128-بابى بويىنشا ۇستالدى جانە الماتى قالالىق پد ۋاقىتشا ۇستاۋ يزولياتورىنا قامالدى»، – دەدى الماتى قالالىق پد باستىعىنىڭ ورىنباسارى رۇستەم ءابدىراحمانوۆ.
ەستەرىڭىزگە سالا كەتەيىك، قىلمىستىق ءىس الماتى قالالىق پوليسيا دەپارتامەنتىندە ءبىر توپ ازاماتتاردىڭ «ASTEX.KZ» ج ش س، «ACD Technology» ج ش س لاۋازىمدى تۇلعالارىنا قارجىلىق پيراميدا قۇرۋ جانە باسقارۋ فاكتىسى بويىنشا ۇجىمدىق ارىز جازۋلارىنا بايلانىستى تىركەلگەن بولاتىن (ق ر قك-نىڭ 217 بابى).
«2019 جىلدىڭ اقپانىنان 2021 جىلدىڭ قاڭتارىنا دەيىنگى ارالىقتا اتالعان ءجشس-نىڭ لاۋازىمدى تۇلعالارى جەكە جانە زاڭدى تۇلعالارمەن مەملەكەتتىك ساتىپ الۋعا قاتىسۋ ءۇشىن قاجەت دەپ بولجاناتىن قاراجاتتى تارتۋ بويىنشا بىرلەسكەن قىزمەت تۋرالى كەلىسىمدەر جاساسقانى انىقتالدى، ەكىجاقتى قۇجاتقا سايكەس فيرمالار ءاربىر سالىمشىعا سالىنعان سالىم سوماسىنىڭ 20 پايىزىن اي سايىن تولەۋگە مىندەتتى بولعان. «ASTEX.KZ» جشس-نە 162 سالىمشىنىڭ ەكى ميلليارد تەڭگەدەن استام قاراجاتى باسقا كومپانيا – «MUDARABAN CAPITAL» ج ش س ارقىلى ءتۇسىپ وتىرعان. وسى قىلمىستى جاساعانى ءۇشىن بارلىعى سەگىز كۇدىكتى اشكەرەلەندى، ولاردىڭ التاۋى سوتتىڭ سانكسياسىمەن قاماۋعا الىندى، بىرەۋى ىزدەۋدە، تاعى بىرەۋى ءۇيقاماقتا»، – دەدى رۇستەم ءابدىراحمانوۆ.