تولە بي كوشەسىندە بايتۇرسىنوۆ كوشەسىنەن ياسساۋي كوشەسىنە دەيىن جالپى ۇزىندىعى 8،5 شاقىرىم بولاتىن جول جوندەلۋدە.
جۇمىس ساپارى كەزىندە الماتى اكىمى باقىتجان ساعىنتايەۆ جولدار مەن جاياۋ جۇرگىنشىلەر ايماعىن جوندەۋ بارىسىمەن، سونداي-اق قوعامدىق كەڭىستىكتەردىڭ اباتتاندىرىلۋىمەن تانىستى، دەپ حابارلايدى Almaty-akshamy.kz.
تولە بي كوشەسىندە بايتۇرسىنوۆ كوشەسىنەن ياسساۋي كوشەسىنە دەيىن جالپى ۇزىندىعى 8،5 شاقىرىم بولاتىن جول جوندەلۋدە. تروتۋار جامىلعىسى جاڭارىپ، جيەكتەر مەن ارىق ناۋالارى ءىشىنارا اۋىستىرىلۋدا. تار ۋچاسكەلەردە - بايتۇرسىنوۆ كوشەسىنەن اۋەزوۆ كوشەسىنە دەيىن - ترامۆاي رەلستەرى سۇرىلۋدە. وسىلايشا جوندەلىپ جاتقان جولدىڭ ۇزىندىعى بويىنشا ءجۇرىس بولىگىنىڭ ەنى بىردەي بولادى.
جيەكتەر بويىنا ايالداما قالتالارى جوق قوعامدىق كولىكتىڭ جولاقتارى بولادى. بۇل رەتتە جول قاۋىپسىزدىگى تالاپتارىنا سايكەس كەلەتىن جەرلەردە جالپىعا ارنالعان تۇراق قالتالارى ۇيىمداستىرىلعان. نەگىزگى كوشەلەرمەن قيىلىسقا دەيىن بۇرىلىس ۇزىلىستەرى ۇيىمداستىرىلادى.
بۇگىندە بايتۇرسىنوۆ كوشەسىنەن بايزاقوۆ كوشەسىنە دەيىن جانە مومىش ۇلى كوشەسىنەن ياسساۋي كوشەسىنە دەيىنگى ۋچاسكەلەرگە اسفالت توسەۋ اياقتالدى. الماتى اكىمى ب. ساعىنتايەۆ جوندەۋ جۇمىستارىنىڭ ساپاسىن باقىلاۋدى جانە ورتالىق كوشەنى كولىك قوزعالىسى ءۇشىن بەلگىلەنگەن مەرزىمدە اشۋدى تاپسىردى.
قالا اكىمى سونداي-اق ناۋرىزباي اۋدانىنىڭ اكىمشىلىك ورتالىعىندا مومىش ۇلى كوشەسىنەن الاتاۋ كوشەسىنە دەيىنگى جاڭا مەترو ستانسيالارىنىڭ قۇرىلىسى مەن اباي داڭعىلىن ۇڭگىلەۋ بارىسىن تەكسەردى.
جاياۋ جۇرگىنشىلەرگە ىڭعايلى بولۋ ءۇشىن تولە بي كوشەسىنىڭ بويىندا ياسساۋي كوشەسىنەن مومىش ۇلى كوشەسىنە دەيىن سەرۋەندەۋ ايماعىنىڭ قۇرىلىسى اياقتالۋدا. «بيۋدجەتكە قاتىسۋ» اياسىندا جۇزەگە اسىرىلاتىن جوباسى بويىنشا اعىمداعى جوندەۋ، ۋچاسكەنى اسفالتتاۋ، ورىندىقتار، داۋىس بەرۋ جاشىكتەرىن ورناتۋ، جارىقتاندىرۋ باعانالارى قاراستىرىلعان.
"التىن بەسىك" شاعىناۋدانى تۇرعىندارىنىڭ ءوتىنىشى بويىنشا انەت بابا كوشەسىنىڭ بويىنداعى بوس جاتقان جەرگە ويىن الاڭى مەن فۋتبول الاڭى سالىنۋدا. جاقىن جەردە بالاباقشا قۇرىلىسى جوسپارلانعان. ترۋدوۆايا كوشەسىنىڭ بويىنداعى قاراۋسىز قالعان الاڭنان 800-گە جۋىق كاماز قۇرىلىس پەن تۇرمىستىق قالدىقتارىن شىعارىلدى. ەندى مۇندا سپورت، بالالاردىڭ ويىن جانە فۋتبول الاڭدارى پايدا بولادى.
الاتاۋ اۋدانىندا ب. ساعىنتايەۆ "نۇركەنت" شاعىناۋدانىنداعى 18 ءۇيدىڭ جاڭارتىلعان قاسبەتتەرىن قاراپ شىقتى. جۇمىس اياقتالۋعا جاقىن. تۇرعىنداردىڭ بەلسەندى قاتىسۋىمەن اۋلانىڭ اۋماعى رەتكە كەلتىرىلەدى.
مەگاپوليس اكىمى ۇلتتىق عىلىمي ورتالىعىنىڭ قۇرىلىسىن دا تەكسەردى. 350 توسەك-ورىنعا ارنالعان جاڭا مەديسينالىق مەكەمە ەلباسى تاپسىرىسىمەن سالىنىپ جاتىر.
"نۇركەنت" شاعىناۋدانىندا بۇقارالىق سپورتپەن شۇعىلدانۋعا جاعداي جاساۋ ماقساتىندا بيۋدجەت قاراجاتى ەسەبىنەن 14 كورتقا ارنالعان تەننيس ورتالىعى - 4 جابىق جانە 10 اشىق الاڭدار سالىنۋدا. سونىمەن قاتار، ونىڭ جانىنان جەكە ينۆەستيسيا ەسەبىنەن 12 ۇستەلدىك تەننيس ورتالىعى سالىنۋدا. جىل سوڭىنا دەيىن جاڭا سپورت نىساندارىن پايدالانۋعا بەرۋ جوسپارلانۋدا.
جۇمىس ساپارى كەزىندە قالا اكىمى «الاتاۋ» شىعارماشىلىق حابىنىڭ ەكىنشى قاباتىنداعى IT-زەرتحانانى اشۋعا ارنالعان ءۇي-جايلاردى قاراپ شىقتى. بۇل IT-يندۋستريا ينفراقۇرىلىمىن دامىتۋ ءۇشىن قۇرىلعان ۇقساس زەرتحانالاردىڭ كەڭ جەلىسى نۇكتەلەرىنىڭ بىرىنە اينالادى.
ب.ساعىنتايەۆ "سايالى" شاعىناۋدانىنداعى جانە "توميريس" شاعىناۋدانىنداعى تيىسىنشە 1800 جانە 1500 ورىندىق مەكتەپتەردىڭ قۇرىلىس قارقىنىمەن تانىستى. جاڭا ءبىلىم بەرۋ نىساندارىن جىل سوڭىنا دەيىن پايدالانۋعا بەرۋ جوسپارلانۋدا.
جۇمىس ساپارىنىڭ سوڭىندا الماتى اكىمى "توميريس" جانە "شاڭىراق-2" شاعىناۋداندارىنداعى «بيۋدجەتكە قاتىسۋ» اياسىندا بوس ۋچاسكەلەردىڭ ورنىنا سالىنعان جاڭا بالالار ويىن الاڭدارى مەن سپورت الاڭدارىن قاراپ شىقتى. جالپى، وسى جوبا اياسىندا بيىل الاتاۋ اۋدانىندا 27 جەرگىلىكتى سپورت جانە ويىن الاڭدارى قۇرىلادى، ولار بارلىق شاعىناۋداندار تۇرعىندارى ءۇشىن قولجەتىمدى بولادى.