بۇگىنگى كۇن رايىنا سينوپتيكتەر بولجاۋى
«قازگيدرومەت» رمك مەكەمەسى 15 قىركۇيەككە ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
ەلدىڭ باسىم بولىگىندە انتيسيكلوننىڭ اسەرىنەن كۇن جاۋىن-شاشىنسىز بولادى.
اتموسفەرالىق فرونتالدى بولىكتەردىڭ وتۋىمەن قازاقستان رەسپۋبليكاسىنىڭ سولتۇستىك، سولتۇستىك-باتىس، باتىس جانە وڭتۇستىگىندە جاڭبىر جاۋىپ، نايزاعاي وينايدى. كۇندىز رەسپۋبليكانىڭ سولتۇستىك، سولتۇستىك-باتىس، باتىس، وڭتۇستىك-شىعىس، وڭتۇستىك-باتىسىندا جەل كۇشەيەدى.
كۇندىز باتىس قازاقستان وبلىسىنىڭ باسىم بولىگىندە جەلدىڭ جىلدامدىعى سەكۋندىنا 15-20 مەترگە جەتەدى. كۇندىز اقمولا وبلىسىنىڭ باتىسىندا، قوستاناي وبلىسىنىڭ سولتۇستىك-باتىسىندا نايزاعاي ويناپ، جەلدىڭ جىلدامدىعى سەكۋندىنا 15-20 مەترگە جەتەدى. تۇندە قىزىلوردا وبلىسىنىڭ سولتۇستىگىندە نايزاعاي ويناپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى.
كۇندىز سولتۇستىك قازاقستان وبلىسىنىڭ وڭتۇستىگىندە، جامبىل وبلىسىنىڭ سولتۇستىك-شىعىس، وڭتۇستىك-باتىسىندا جەل 15-20 م/س جىلدامدىقپەن ۇيتقيدى.
تۇندە قاراعاندى، شىعىس قازاقستان وبلىستارىنىڭ سولتۇستىك-شىعىسىندا 3 گرادۋس ۇسىك جۇرەدى. الماتى، جامبىل، تۇركىستان، قىزىلوردا، ماڭعىستاۋ، اتىراۋ، اقتوبە وبلىستارىنىڭ باسىم بولىگىندە، قوستاناي، قاراعاندى وبلىستارىنىڭ سولتۇستىك-باتىس جانە باتىسىندا، باتىس قازاقستان وبلىسىنىڭ سولتۇستىك-شىعىس جانە وڭتۇستىگىندە، شىعىس قازاقستان وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا، اقمولا وبلىسىنىڭ سولتۇستىك-باتىسىندا توتەنشە ءورت ءقاۋپى ساقتالادى.