الماتىدا بۇگىن تاڭعى 8:00-دەن باستاپ قار جاۋا باستادى. "قازگيدرومەت" مالىمەتىنشە، قار كەشكى 21:00-گە دەيىن جالعاسادى، ال ونىڭ قالىڭدىعى 9 مم-گە دەيىن جەتۋى مۇمكىن. اۋا تەمپەراتۋراسى كۇندىز شامامەن 0°C، تۇندە -9...-11°C ارالىعىندا بولادى، دەپ حابارلايدى aqshamnews.kz
قالا كوشەلەرىن قاردان تازالاۋعا 603 ارنايى تەحنيكا مەن 1 034 جۇمىسشى جۇمىلدىرىلدى. جولداردى مۇزعا قارسى ماتەريالدارمەن وڭدەۋ ءۇشىن 130 قۇمشاشقىش تەحنيكا، ونىڭ ىشىندە «ەپوكا» جانە «دجەتبرۋم» سياقتى قۇرالدار پايدالانىلۋدا. اسىرەسە، تاۋلى ايماقتار مەن ءال-فارابي داڭعىلىنان وڭتۇستىككە قاراي ورنالاسقان اۋداندارعا ەرەكشە نازار اۋدارىلىپ، 28 ارنايى تەحنيكا جۇمىس ىستەپ جاتىر. سونىمەن قاتار، 70 شاعىن تەحنيكا تروتۋارلار، قوعامدىق كولىك ايالدامالارى جانە اۆتوتۇراقتاردى قاردان تازالاۋعا جۇمىلدىرىلدى.
15-16 جەلتوقساندا جاۋعان قاردى تازالاۋ بارىسىندا تۇنگى ۋاقىتتا ماگيسترالدى كوشەلەردەن قاردى جاپپاي شىعارۋ اياقتالدى. سوڭعى ءتورت كۇن ىشىندە قالا اۋماعىنان 45 500 م³ قار شىعارىلدى، جوسپارلانعان جۇمىس تولىق ورىندالدى.
قالا تۇرعىندارىنا قاۋىپسىزدىك شارالارىن ساقتاپ، جولداردا اباي بولۋ ەسكەرتىلدى. سونىمەن قاتار، قار تازالاۋ جۇمىستارىنا قوسىمشا جۇكتەمە تۇسىرمەۋ ءۇشىن "مەدەۋ" مۇز ايدىنى مەن "شىمبۇلاق" تاۋ-شاڭعى كۋرورتىنا بارۋدى ۋاقىتشا شەگەرە تۇرۋ ۇسىنىلادى.
كوممۋنالدىق قىزمەتتەر قالا جولدارىن ءقاۋىپسىز ەتۋ ماقساتىندا كۇشەيتىلگەن رەجيمدە جۇمىسىن جالعاستىرۋدا. 21 جەلتوقساندا جاۋىن-شاشىنسىز اۋا رايى كۇتىلىپ، تەمپەراتۋرا كۇندىز -5...-7°C شاماسىندا بولادى.