الماتىدا قار تازالاۋ جۇمىستارى ءجۇرىپ جاتىر

20 جەلتوقسان كۇنى ساعات 14:00-دەن 19:00-گە دەيىن الماتى قالاسىندا قار جاۋدى. 4 مم جاۋىن-شاشىن ءتۇستى، دەپ حابارلايدى Almaty-akshamy.kz

قالا بويىنشا ىڭعايلى قوزعالىستى قامتاماسىز ەتۋ ءۇشىن قالانىڭ كوممۋنالدىق قىزمەتتەرى كۇشەيتىلگەن رەجيمگە اۋىستىرىلدى. 

اۋدان اكىمدىكتەرىندە قار تازالاۋ جۇمىستارىنىڭ بارىسىن باقىلاۋ جۇزەگە اسىرىلۋدا.  

نەگىزگى كوشەلەردى سۇيىق كوكتايعاققا قارسى رەاگەنتپەن وڭدەۋ جۇرگىزىلدى. 

قار جاۋعان كەزەڭدە قالانىڭ جوعارعى بولىگىندە، كولىك جولايرىقتاردا، سەزدەردە 118 قۇم تاراتقىش ارقىلى كوكتايعاققا قارسى ماتەريالدار سەبىلدى. 624 توننا كقم پايدالانىلدى.130 بىرلىك شاعىن كولەمدى ارنايى تەحنيكانىڭ كومەگىمەن تروتۋارلاردى تازالاۋ جۇمىستارى جۇرگىزىلدى.

تۇنگى كەزەڭدە كوكتايعاقتىڭ الدىن الۋ ماقساتىندا 437 بىرلىك، ونىڭ ىشىندە تروتۋارلاردى تازارتۋعا 160 بىرلىك جانە 312 جول جۇمىسشىسى جۇمىلدىرىلدى. 4680 م3 قار شىعارىلدى.

21 جەلتوقسان كۇنى ساعات 08:00-دەن باستاپ قار تازالاۋعا 341 بىرلىك تەحنيكا، 1038 جول جۇمىسشىسى جۇمىلدىرىلدى. 

تازارتىلاتىن اۋماقتىڭ جالپى الاڭى 25 ملن.م2 قۇرايدى، ونىڭ ىشىندە 2 698 كم كوشە، 1 304 كم تروتۋار، 1 167 كم ارىق جانە 3 339 اۋلا اۋماعى. 

كوشە-جول جەلىسىنىڭ جۇمىس كەستەسى تاۋلىك بويى، كۇندىزگى اۋىسىم تاڭعى 08.00 - دەن 18.00-گە دەيىن، تۇنگى اۋىسىم تاڭعى 18.00-دەن 08.00-گە دەيىن. 

«قازگيدرومەت» رمك بولجامى بويىنشا اۋا تەمپەراتۋراسى 21 جەلتوقسان كۇنى تۇستەن كەيىن 0...+2 گرادۋس، جاۋىن-شاشىنسىز.