بۇل جاز مەزگىلىنە وراي ءتۇرلى توساپ، ءتاتتى شىرىن ازىرلەۋمەن بايلانىستى.
مۇنداي بولجامدى قالالىق كاسىپكەرلىك جانە ينۆەستيسيالار باسقارماسىنىڭ ماماندارى جاساپ وتىر، دەپ حابارلايدى Almaty-akshamy.kz
سوندىقتان قالاعا جەتكىزىلەتىن قانت مولشەرى كوبەيتىلدى.
بۇعان دەيىن مەگاپوليسكە كۇنىنە 250 توننا قانت جىبەرىلەتىن. ءقازىر ءىرى ساۋدا ورىندارىندا قۇمشەكەر كەلىسى 445 تەڭگەدەن ساتىلۋدا. ودان بولەك ءبىر قولعا 5 كەلىدەن ارتىق بەرىلمەيدى. مامانداردىڭ ايتۋىنشا، بۇگىندە قويمالارعا 5 مىڭ توننا قانت جەتكىزىلىپ جاتىر. قىركۇيەك ايىندا اقسۋ قانت زاۋىتىنىڭ اشىلۋى جوسپارلانعان. ءوندىرىس ىسكە قوسىلسا، الماتىعا 10 مىڭ توننا قانت جەتكىزىلمەك.
"بۇل قويماعا كۇنىنە 300-دەن 500 تونناعا دەيىن قانت جەتكىزىلىپ تۇرادى. ايىنا 5 مىڭ توننا جونەلتەمىز. مۇنىڭ سىرتىندا وندىرۋشىلەردىڭ تىكەلەي ساتىپ الۋشىلارعا جەتكىزۋى بار. ءقازىر الماتى قالاسىنا قانت دەر كەزىندە تاسىمالدانىپ جاتىر"، - دەيدى الماتى قالالىق كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى ەرلان وماروۆ.