الماتىدا قاڭتاردىڭ قايعىلى وقيعالارىنا ەسكەرتكىش ورناتىلادى

ەسكەرتكىش اكىمدىك جانىنداعى سكۆەردە ورناتىلادى دەپ بولجانۋدا

قالا اكىمدىگى ەسكەرتكىش نىسانىنىڭ قۇرىلىس تۇجىرىمداماسىنا كونكۋرس جاريالادى، دەپ حابارلايدى Almaty-akshamy.kz.

قالالىق جوسپارلاۋ جانە ۋربانيستيكا باسقارماسى اشىق كونكۋرسقا وتىنىمدەردى بۇگىننەن باستاپ 2022 جىلدىڭ 10 اقپانىنا دەيىن قابىلدايتىن بولادى. بايقاۋعا جەكە اۆتورلار دا، شىعارماشىلىق ۇجىمدار دا قاتىسا الادى.

مەملەكەت باسشىسىنىڭ الماتىعا جاقىندا جاساعان ساپارى كەزىندە  مەموريالدىق كەشەندە الماتىلىق وقيعالاردى ماڭگى ەستە قالدىرۋدى تاپسىردى.

كونكۋرستىڭ شارتىنا وراي ەسكەرتكىش قورشاعان ورتاعا ۇيلەسىمدى بولۋى ءتيىس. ونى جاساعاندا ساپالى ماتەريالداردى پايدالانعان ءجون.

كونكۋرس قورىتىندىسى بويىنشا شەشىمدى الماتى قالاسىنىڭ تاريح جانە مادەنيەت ەسكەرتكىشتەرىن قورعاۋ جونىندەگى كوميسسيا قابىلدايدى.

ەسكەرتكىش ساتبايەۆ كوشەسىنىڭ وڭتۇستىگى مەن نازاربايەۆ داڭعىلىنىڭ باتىسىنا قاراي قالالىق اكىمدىك جانىنداعى سكۆەردە ورناتىلادى دەپ بولجانۋدا.

قوسىمشا اقپاراتتى مىنا مەكەنجاي بويىنشا الۋعا بولادى: الماتى ق.، اباي داڭعىلى 90، (3-قابات) نەمەسە 8 (727) 240-80-00 تەلەفونى بويىنشا.