الماتىدا قاڭتار وقيعاسىنا قاتىسقاندارعا ۇكىم شىقتى

25 قاتىسۋشىنىڭ 1-ەۋى قايتىس بولعاندىقتان، قىلمىستىق جاۋاپكەرشىلىكتەن بوساتىلدى.

بوستاندىق اۋدانىنىڭ №2 سوتىندا قاڭتار وقيعاسىنا قاتىسقان 25 ازاماتقا قاتىستى قىلمىستىق ءىس قارالدى، دەپ حابارلايدى Almaty-akshamy.kz

“2022 جىلعى 4-5 قاڭتار ارالىعىندا الماتى قالاسىنىڭ ءتۇرلى بولىكتەرىندە 25 سوتتالۋشى جاپپاي تارتىپسىزدىكتەرگە قاتىسىپ، اسا ءىرى مولشەردە ۇرلىق جاسادى، تۇرعىن ءۇي، قىزمەتتىك جانە وندىرىستىك ءۇي-جايلارعا زاڭسىز كىرىپ، ءىرى زالال كەلتىرە وتىرىپ، كولىك قۇرالدارىن ايداپ اكەتتى، ءقاۋىپتى وندىرىستىك نىساننىڭ اۋماعىنا، سونداي-اق ارنايى ورگاندار كۇزەتەتىن باسقا دا نىساندارعا زاڭسىز كىردى، بۇل ەلەۋلى زالالىن تيگىزىپ، باسقا دا اۋىر زارداپتارعا اكەپ سوقتى. سونداي-اق، ولار الدىن الا ءسوز بايلاسۋ ارقىلى وزدەرىنىڭ وق-دارىلەرىن، اتىس قارۋلارىن ۇرلاپ اكەتكەن، توتەنشە جاعداي جاريالانعان جەردە جاپپاي تارتىپسىزدىكتەر كەزىندە ادامدار توبى الدىن الا ءسوز بايلاسىپ، بيلىك وكىلدەرىنىڭ دەنساۋلىعىنا زالالىن تيگىزىپ، ولاردىڭ مۇلكىن بۇلدىرگەنى جانە جويعانى انىقتالدى”، – دەلىنگەن سوت حابارلاماسىندا.

سوت شەشىمى بويىنشا 20 ازاماتقا "راقىمشىلىق جاساۋ تۋرالى" زاڭ قولدانىلىپ، 9 ايدان 1 جىل 9 ايعا دەيىنگى مەرزىمگە شارتتى جازا تاعايىندالدى.

سونداي-اق "راقىمشىلىق تۋرالى" زاڭ قولدانىلعان تاعى ءتورت تۇلعا جازادان بوساتىلدى.

ايتا كەتەيىك، 2023 جىلدىڭ 24 ساۋىرىندە سوت ۇقك ەكس-باسشىسى ءماسىموۆتى مەملەكەتكە وپاسىزدىق جاساعانى، بيلىكتى باسىپ الۋدى ناسيحاتتاعانى جانە لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تاپتى. ول 18 جىلعا باس بوستاندىعىنان ايىرىلدى، مۇلكى تاركىلەندى جانە ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى.