الماتىدا پوليسيا قىزمەتكەرلەرى قوعامدىق كولىكتە جانە قوعامدىق ورىنداردا بوتەننىڭ مۇلكىن ۇرلادى دەگەن كۇدىكپەن ءۇش ەر ادامدى ۇستادى.
"ۇشەۋى دە وسىعان ۇقساس قىلمىستار جاساعانى ءۇشىن بۇرىن قىلمىستىق جاۋاپكەرشىلىككە تارتىلعانى بەلگىلى بولدى. ءتىنتۋ كەزىندە ۇستالعانداردان ۇرلانعان ءۇش تەلەفون تابىلدى. قازىرگى ۋاقىتتا ولاردىڭ قىلمىستىق ارەكەتتەرىنىڭ بارلىق ەپيزودىن انىقتاۋعا باعىتتالعان تەرگەۋ شارالارى جۇرگىزىلىپ جاتىر"، - دەدى الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.
يسايەۆ وتكەن جىلى قولعا الىنعان شارالاردىڭ ارقاسىندا 513 ۇرلىق جاساعانى ءۇشىن كىنالى دەپ تانىلعان 315 ۇرى، سونداي-اق قوعامدىق ورىنداردا ۇرلىق جاساعان 102 توپتىڭ قىلمىستىق ارەكەتىنىڭ الدىن العانىن ايتتى.