بيىل 31 تامىزدان باستاپ №38، 38ا جانە №37 مارشرۋتتارىنا جاڭارتىلعان 18 مەترلىك 60 اۆتوبۋستى جەلىگە شىعارۋ جوسپارلانۋدا.
بۇعان دەيىن جىلجىمالى بىرلىكتەردىڭ جەتىسپەۋشىلىگىنە بايلانىستى بۇل باعىتتارداعى قوزعالىس ارالىعى 40 مينۋتقا دەيىن جەتكەن. اۆتوبۋستاردىڭ جاڭارتىلۋىمەن قاربالاس ۋاقىتتا ءجۇرىس جيىلىگى 6-7 مينۋتقا دەيىن ازايادى دەپ كۇتىلۋدە، دەپ حابارلايدى Almaty-akshamy.kz.
ايتا كەتۋ كەرەك، بوساتىلعان اۆتوبۋستار №201 مارشرۋتتىڭ جىلجىمالى قۇرامىن اۋىستىراتىن بولادى.
وسىلايشا، №201 مارشرۋتتا 24 بىرلىك 18 مەترلىك اۆتوبۋس قىزمەت كورسەتەدى. وسىعان دەيىن بۇل مارشرۋتتا قوزعالىس ارالىعى 15 مينۋتقا دەيىنگى ۋاقىتتى قۇرايتىن، جىلجىمالى بىرلىكتەردى كۇشەيتۋمەن قوزعالىس ارالىعى 7 مينۋتقا دەيىن ازايادى دەپ كۇتىلۋدە.
ەستەرىڭىزگە سالا كەتەيىك، الماتىدا بيىل كوممۋنالدىق اۆتوپارك 600 گاز اۆتوبۋسى مەن 100 تروللەيبۋس ساتىپ الىپ جاتىر.
100 اۆتوبۋس قالاعا كەلدى جانە قۇجاتتارىنىڭ رەسىمدەلۋىنە قاراي جەلىگە شىعارىلىپ جاتىر. بۇعان دەيىن №24 جانە №125 مارشرۋتتاردىڭ جىلجىمالى بىرلىكتەرى جاڭارتىلعان بولاتىن.
قالعان اۆتوبۋستاردى جىل سوڭىنا دەيىن قالاعا جەتكىزۋ جوسپارلانىپ وتىر.