2 جەلتوقساندا "Almaty Creative" كرەاتيۆتى يندۋستريالاردى دامىتۋ ورتالىعى DS Academy جانە AlmaU-مەن بىرلەسىپ جاس ديزاينەرلەر، باعدارلاماشىلار جانە گەيمديەۆەلوپەرلەر اراسىندا حاكاتون وتكىزىلدى.
Almaty creative كرەاتيۆتى يندۋستريالاردى دامىتۋ ورتالىعىنىڭ باس ديرەكتور ورىنباسارىنىڭ م.ا. باقىت ەلۋبايەۆانىڭ ايتۋىنشا، حاكاتوننىڭ ماقساتى - كرەاتيۆتى يندۋستريانىڭ جاڭا تالانتتارىن اشۋ.
"حاكاتوندا ءبىز قالالىق ورتانى جاقسارتۋعا جانە بايىتۋعا، ويىن الەمىن قۇرۋعا مۇمكىندىك بەرەتىن يننوۆاسيالىق، فۋنكسيونالدى جانە كورنەكى تارتىمدى قالالىق قۇرىلىمدار مەن ەلەمەنتتەردى دامىتۋعا جاعداي جاسايمىز. ول ءۇشىن ءبىز ديزاين سالاسىنداعى تانىمال ازىرلەۋشىلەر مەن ساراپشىلاردى جانە گەيمديەۆتى شاقىردىق"، ― دەدى ول.
ءوز شەبەرلىك ساباقتارىن كونسەپت-سۋرەتشى، مەيتپەينتەر دانيار كدىروۆ، grimlore Games-تە كومپيۋتەرلىك ويىنداردىڭ سەناريستى جانە ازىرلەۋشىسى ارسەنيي دەريگلازوۆ، "وندىرىسكە ارنالعان ديزاين" باعىتى بويىنشا ساۋلەت ماگيسترى، UCL، بارتلەتت ساۋلەت مەكتەبى ماريا لي، Xwargame گەيمپلەي انيماتورى سەرگەي لوپاتين، SAP جەتەكشى ازىرلەۋشىسى تيمۋر باكيبايەۆ سياقتى شاقىرىلعان ماماندار وتكىزدى.