ساۋالنامانى «الماتى باس جوسپارى» عزي» ج ش س الماتى قالاسى اكىمدىگىنىڭ قولداۋىمەن قولدانبالى ۋربانيستيكا ينستيتۋتىمەن بىرلەسىپ ازىرلەدى، دەپ حابارلايدى Almaty-akshamy.kz.
زەرتتەۋدىڭ ماقساتى قالالىق ينفراقۇرىلىمدى ودان ءارى جاقسارتۋ ءۇشىن يدەيالار مەن ۇسىنىستاردى جيناۋ.
"جاۋاپتاردىڭ نەگىزىندە ءبىز ۆەرناكۋليارلىق اۋدانداردىڭ كارتاسىن الا الامىز، الماتىلىقتار قالانى قالاي كورۋدى قالايتىنى، ولاردى نە شابىتتاندىراتىنى، نەنى جاقسارتۋ كەرەكتىگى ايقىندالادى. ناقتى ۋچاسكەلەر بويىنشا سۇرانىستى انىقتاي وتىرىپ، ءبىز ولاردىڭ ساپالى وزگەرۋىن جۇزەگە اسىرا الامىز. سونداي-اق بىزگە جاۋاپكەرشىلىك الىپ، دامۋ جوبالارىنا قاتىسۋعا دايىن، قالانىڭ دامۋىنا نەمقۇرايلى قارامايتىن قالا تۇرعىندارىنىڭ پىكىرى اسا ماڭىزدى"، - دەدى «الماتى باس جوسپارى» عزي» ج ش س ديرەكتورى، ساۋلەتشى اسحات سادۋوۆ.
ناتيجەسىندە ساۋالناما باس جوسپاردى جانە دامۋدىڭ باس جوسپارلارىن ساپالى ازىرلەۋگە قاجەتتى بازا رەتىندە پايدالانىلادى.ساۋالناما 43 سۇراقتان تۇرادى.
ساۋالنامادان «الماتى باس جوسپارى» عزي» ج ش س، Q-Lab قالالىق جوبالار زەرتحاناسىنىڭ، الماتى قالاسى قالالىق جوسپارلاۋ جانە ۋربانيستيكا باسقارماسىنىڭ ينتەرنەت-رەسۋرستارىندا، حقكو-لاردا جانە مەترودا وتۋگە بولادى.
ساۋالنامانىڭ QR-كودى LED-ەكرانداردا، ايالدامالاردا، قوعامدىق كولىكتە قولجەتىمدى.