الماتىدا تۇنگى ۋاقىتتا ازىق-تۇلىك قويماسى ورتەندى.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، 4 تامىز كۇنى ساعات 21:42-دە ءورت ءسوندىرۋ بولىمشەلەرى المالى اۋدانى، مۇقانوۆ كوشەسى، 133 مەكەنجايىندا عيماراتتىڭ تۇتىندەۋى تۋرالى شاقىرتۋعا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ساعات 21:45-تە (3 مينۋتتا) العاشقى ءورت ءسوندىرۋ بولىمشەلەرى كەلگەن ساتتە ازىق-تۇلىگى بار قويمانىڭ تۇتىندەپ جاتقانى انىقتالدى. ءورت ساعات 23:05-تە وقشاۋلاندىرىلىپ، 23:24-تە تولىعىمەن جويىلدى. جالىن شارپىعان اۋماق 600 شارشى مەتردى قۇرادى. ءورتتىڭ جاقىن ماڭداعى اكىمشىلىك عيماراتقا تارالۋىنا جول بەرىلگەن جوق. ءقازىر وتتىڭ شىعۋ سەبەبى انىقتالىپ جاتىر. قازا بولعاندار مەن زارداپ شەككەندەر جوق»، - دەپ حابارلادى قالالىق تجد-دان.