ساتبايەۆ كوشەسى، 4ا مەكەنجايىنداعى Juz كافەسىنىڭ جانىنداعى قۇرىلىس رۇقسات قۇجاتتارىنسىز سالىنعان. سونىمەن قاتار، ول ەرەكشە قاجەتتىلىكتەرى بار ادامدارعا ارنالعان پاندۋستى قوسىپ الىپ، جالپى اۋماقتا ورنالاسقان. بۇل تۋرالى الماتىنىڭ قالا قۇرىلىسىن باقىلاۋ باسقارماسىنان حابارلادى.
2024 جىلعى 4 قازاندا جوسپاردان تىس تەكسەرۋ بارىسىندا «ALMA Construction and Design» ج ش س جالعا الۋشىسىنا قاتىستى تۇرعىننىڭ ءوتىنىشى نەگىزىندە باسقارما اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتقا ماتەريالداردى جىبەردى ءارى اكىمشىلىك شارالار قابىلدادى.
2024 جىلعى 22 قاراشادا سوت زاڭسىز تۇرعىزىلعان قۇرىلىستاردى بۇزۋ تۋرالى قاۋلى شىعاردى جانە ءبىر ايدان كەيىن، 27 جەلتوقساندا الماتى قالالىق سوتىنىڭ قاۋلىسىمەن ءبىرىنشى ساتىداعى شەشىم وزگەرىسسىز قالدى.
بۇزۋ بۇگىن قالانىڭ ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا 2023 جىلدىڭ باسىنان بەرى 70 زاڭسىز نىسان، ونىڭ ىشىندە «مەچتا»، KHAN جانە باسقا دا تۇرعىن ءۇي كەشەندەرى تولىعىمەن نەمەسە ءىشىنارا بۇزىلعان.