الماتىدا قالا ماڭىنا قاتىنايتىن ونىنشى جاڭا باعىت ىسكە قوسىلۋدا

وسى جىلدىڭ 16 جەلتوقسانىنان باستاپ ب. مومىش ۇلى مەترو ستانسياسى  مەن اشەكەيەۆ كەنتى اراسىندا قاتىنايتىن №244 جاڭا قالا ماڭى مارشرۋت ىسكە قوسىلادى. 

جەلىدە 13 مينۋت جيىلىكپەن 13 جىلجىمالى بىرلىك قىزمەت كورسەتەتىن بولادى، دەپ حابارلايدى اlmaty-akshamy.kz. 

الماتى اگلومەراسياسىن دامىتۋ اياسىندا بيىل قالالىق موبيلدىلىك باسقارماسى 25 ەلدى مەكەندى قامتيتىن 10 جاڭا قالا ماڭى مارشرۋتىن اشۋدى جوسپارلاعان بولاتىن.

بۇل اعىمداعى جىلى ىسكە قوسىلعان قالا ماڭىنا قاتىنايتىن ونىنشى باعىت. 

بۇعان دەيىن 9 باعىت ىسكە قوسىلعان: №216 «داۋلەت كەنتى - الماتى-1 ت/ج ۆوكزالى»، №223 «تۋعانباي كەنتى – نۇرا كەنتى – الماتى-1 ت/ج ۆوكزالى»، №232 «ءجۇزدىباستاۋ كەنتى – الماتى-2 ت/ج ۆوكزالى»، №233 «قاراوي كەنتى – ساياحات»، №234 «ەلامان كەنتى - التاي-1 ش/ا (ۆاز)»، №235 «يسايەۆو كەنتى - سالەم بازارى»، №236 «قارعالى كەنتى – تولە بي/ياسساۋي بۇرىلىس الاڭى»، №240 «باتىر كەنتى – ادەم-1 ءسۇ» جانە №247 «مىڭبايەۆ كەنتى – تولە بي/ياسساۋي بۇرىلىس الاڭى».

2024 جىلدىڭ سوڭىنا دەيىن قالا ماڭىنا قاتىنايتىن 20 جاڭا باعىتتى ۇيىمداستىرۋ جوسپارعا ەنگەن، بۇل 50 ەلدى مەكەندى قامتاماسىز ەتەدى.