الماتىدا قالا اكىمىنىڭ تاپسىرماسىمەن قالا قۇرىلىسىنا جاڭا تالاپتار ەنگىزىلىپ جاتىر

الماتىدا بيىل جاڭا تالاپتاردى ەسكەرە وتىرىپ، 2 ملن شارشى مەتر تۇرعىن ءۇيدى پايدالانۋعا بەرۋ جوسپارلانعان.

الماتىدا قالا قۇرىلىسىنا جاڭا تالاپتاردى ەنگىزۋ بويىنشا شارالار كەشەنى جۇزەگە اسىرىلىپ جاتىر، دەپ حابارلايدى مەگاپوليستىڭ قالالىق جوسپارلاۋ جانە ۋربانيستيكا باسقارماسى.

باسقارما وكىلدەرى اتالعان شارالار وتكەن جىلدىڭ تامىز ايىندا ق ر پرەزيدەنتى بەرگەن تاپسىرمالاردى ورىنداۋ اياسىندا جۇزەگە اسىرىلىپ جاتقانىن ايتتى. قالا قۇرىلىسى بويىنشا جاڭا تالاپتار الماتىنىڭ 2040 جىلعا دەيىنگى باس جوسپارىنا سايكەس بەلگىلەنىپ، قالانى پوليسەنترلىك دامىتۋعا؛ تۇرعىن ءۇي مەن الەۋمەتتىك نىسانداردىڭ سەيسميكالىق قاۋىپسىزدىگىن كۇشەيتۋگە؛ نۇكتەلى قۇرىلىستى بولدىرماۋعا؛ الەۋمەتتىك جانە ينجەنەرلىك ينفراقۇرىلىممەن قامتاماسىز ەتۋگە؛ ورتاشا قاباتتى قۇرىلىسقا (5-6 قابات) كوشۋگە باعىتتالعان.

2024 جىلى جاڭا تالاپتاردى ەسكەرە وتىرىپ، 2 ملن شارشى مەتر تۇرعىن ءۇيدى پايدالانۋعا بەرۋ جوسپارلانعان، 2023 جىلى 2،5 ملن شارشى مەتر تۇرعىن ءۇي پايدالانۋعا بەرىلدى.

ايتا كەتەيىك، جاڭا باس جوسپار جەتى نەگىزگى قاعيداتقا نەگىزدەلگەن: جايلى قالالىق ورتا، تۇراقتى ەكونوميكالىق ءوسىم، باسقارىلاتىن ۋربانيزاسيا، الەۋمەتتىك تۇراقتىلىق، سيفرلاندىرۋ، قاۋىپسىزدىك جانە الماتىعا «ب ا ق قالا» مارتەبەسىن قايتارۋ. جاھاندىق قۇجات تۇرعىلىقتى جەرىنە قاراماستان، بارلىق قالا تۇرعىنى ءۇشىن ينفراقۇرىلىمى دامىعان جانە قولايلى ورتاسى بار قولايلى مەگاپوليس رەتىندە الماتىنىڭ تۇراقتى تەڭگەرىمدى دامۋىن قامتاماسىز ەتەدى.

ونىڭ نەگىزگى اسپەكتىلەرى مەن الدىڭعى قۇجاتتاردان ايىرماشىلىعىنىڭ ءبىرى دامۋدىڭ مونوسەنتريستىك مودەلىنەن قالادا بەس جاڭا پوليسەنتريستىك قۇرۋعا كوشۋ بولدى. ولاردىڭ ءارقايسىسى ءوزىن-وزى قامتاماسىز ەتەتىن اۋدانعا اينالادى جانە رەتتەلەتىن ۋربانيزاسياسى بار اۋماقتىڭ تۇراقتى دامۋ ءپرينسيپى مەن جاعدايىن قامتاماسىز ەتەدى.