الماتىدا جاقىندا ىسكە اسىرۋعا ءتيىستى ينۆەستيسيالىق جوبالار پۋلى بار. بۇل تۋرالى مەملەكەت باسشىسى الدىندا بايانداما جاساعان اكىم ەربولات دوسايەۆ مالىمدەدى.
ونىڭ ايتۋىنشا، تكش سالاسىندا 370 كم سۋمەن جابدىقتاۋ جانە 509 كم – سۋ بۇرۋ، 74،4 كم – جىلۋمەن جابدىقتاۋ، 89 كم – ەلەكترمەن جابدىقتاۋ، 44 كم قالا سىرتىنداعى كوللەكتورلار مەن 23 قازاندىقتى قايتا جاڭارتۋ كوزدەلىپ وتىر، دەپ حابارلايدى Almaty-akshamy.kz.
جول-كولىك ينفراقۇرىلىمى بويىنشا 7 كوشەگە: مۇقانوۆ، تىلەندييەۆ، رايىمبەك، اباي 1 ۋچ.، حمەلنيسكيي، سولتۇستىك اينالما جانە وڭعارسىنوۆا كوشەلەرىن ۇزارتۋ جۇرگىزىلەدى، «راحات-مادەنيەت»، «بورالداي»، «تەرەكتى»، «جاس قانات» سىندى 4 شاعىن اۋداندا 2 اۆتوپارك پەن 82،4 كم جاڭا جول سالۋ جوسپارلانعان.
دەنساۋلىق ساقتاۋ سالاسىندا 2 كوپبەيىندى اۋرۋحانا، 8 ەمحانا، 4 مساك ورتالىعى (مەديسينالىق-سانيتارلىق العاشقى كومەك)، 2 پەرزەنتحانا سالىنىپ، 6 نىسان قايتا جاڭارتىلادى.
ءبىلىم بەرۋ ينفراقۇرىلىمى بويىنشا 5 جاڭا مەكتەپ پەن 7 بالاباقشا سالۋ، 14 مەكتەپ پەن 15 بالاباقشا عيماراتىن سەيسميكالىق كۇشەيتۋ جوسپارلانعان.
سونىمەن قاتار، قوعامدىق كەڭىستىكتى اباتتاندىرۋ ءۇشىن 8 وزەن ارناسى، 8 ساياباق ايماعى جانە 24 سۋبۇرقاق كەشەنى جاڭعىرتىلادى.
يندۋستريالىق ايماقتى دامىتۋدىڭ ءىى كەزەڭى اياسىندا ونى 194 گەكتارعا كەڭەيتۋ ءۇشىن ينجەنەرلىك ينفراقۇرىلىم سالىنادى.