دۇكەننىڭ العاشقى تۇتىنۋشىلارى رەتىندە مۇقتاج وتباسىلار شاقىرىلدى.
«زەكەت جانە قايىرىمدىلىق» قورىنىڭ الماتىداعى وكىلدىگىنىڭ ۇيىمداستىرۋىمەن «قايىرىمدىلىق دۇكەنى» اشىلدى، دەپ حابارلايدى Almaty-akshamy.kz قمدب باسپا ءسوز قىزمەتىنە سىلتەمە جاساپ.
سالتاناتتى شارادا الماتى ورتالىق مەشىتىنىڭ باس يمامى تولەبي ءدادىل ۇلى قۇتتىقتاۋ ءسوز سويلەپ، اشىلۋ راسىمە قاتىستى. شاشۋ شاشىلىپ، بالالار قۋانىشقا كەنەلدى. دۇكەننىڭ العاشقى تۇتىنۋشىلارى رەتىندە مۇقتاج وتباسىلار شاقىرىلدى. بالالارعا ويىنشىقتار، تۇرمىستىق زاتتار، كيىمدەر، كەڭسە تاۋارلارىن الىپ، قۋانىشقا كەنەلگەن كوپ بالالى انالار ۇيىمداستىرۋشى قايىرىمدى جاندارعا العىسىن ايتتى. دۇكەننىڭ ارى قاراي كومەككە ءزارۋ جاندار يگىلىگىنە قىزمەت ەتۋىنە تىلەۋلەستىك ءبىلدىردى.
«قۇرمەتتى اعايىن! ءسىز دە «قايىرىمدىلىق دۇكەنىنە» قولداۋ كورسەتىپ، ءوز ۇلەسىڭىزدى قوسا الاسىز. جاقسىلىق جاساپ جارىسايىق!» - دەيدى ۇيىمداستىرۋشىلار.