2025 جىلعى 26 تامىزدا ساعات 21:45-تە الماتىداعى ورتالىق ستاديوندا ۋەفا چەمپيوندار ليگاسىنىڭ پلەي-وفف كەزەڭىندەگى قارىمتا ماچ وتەدى. «قايرات» (الماتى) پەن «سەلتيك» (گلازگو) كوماندالارى ەۋروپانىڭ باستى كلۋبتىق ءتۋرنيرىنىڭ توپتىق كەزەڭىنە جولداما ءۇشىن ب ا ق سىنايدى. جەڭىلگەن كوماندا ەۋروپا ليگاسىندا ونەرىن جالعاستىرادى. 21 تامىزدا گلازگوداعى «سەلتيك پارك» ستاديونىندا وتكەن العاشقى ويىن تەڭ ەسەپپەن اياقتالعان ەدى. سول سەبەپتى الداعى كەزدەسۋ شەشۋشى ءارى تارتىستى بولماق.
جانكۇيەرلەردىڭ قاۋىپسىزدىگى مەن جايلىلىعىن قامتاماسىز ەتۋ ماقساتىندا اۋقىمدى ۇيىمداستىرۋ شارالارى كوزدەلگەن:
* ۇلتتىق گۆارديانى قوسقاندا 2000-نان استام پوليسيا قىزمەتكەرلەرى جۇمىلدىرىلادى؛
* جوعارى جىلدامدىقتى ينتەرنەتكە قوسىلۋ، رەزەرۆتىك ەلەكترمەن جابدىقتاۋ، مەديسينالىق كەزەكشىلىك، سانيتارلىق ينفراقۇرىلىم جانە ەكولوگيالىق شارالار.
جانكۇيەرلەر ءۇشىن قالانىڭ نەگىزگى نۇكتەلەرىنەن ورتالىق ستاديونعا دەيىن جانە كەرى قاراي تەگىن اۆتوبۋس مارشرۋتتارى ۇيىمداستىرىلعان:
* قالقامان ش/ا (№7 قالالىق اۋرۋحانا ايالداماسى) - ورتالىق ستاديون.
* وربيتا ش/ا (مۇستافين-تورايعىروۆ كوشەلەرىنىڭ قيىلىسى) - ورتالىق ستاديون.
* اينابۇلاق ش/ا (ماقاتايەۆ-پاۆلودار كوشەلەرىنىڭ قيىلىسى) - ورتالىق ستاديون.
* «حالىق ارەنا" ايالداماسى (سولتۇستىك باعىت) - ورتالىق ستاديون.
* الماتى-1 تەمىرجول ۆوكزالىنىڭ ايالداماسى - ورتالىق ستاديون.
* الماتى-2 تەمىرجول ۆوكزالىنىڭ ايالداماسى-ورتالىق ستاديون.
* ناۋرىزباي اۋدانىنىڭ حقكو - ورتالىق ستاديون.
* مومىشۇلى-موڭكە بي كوشەلەرىنىڭ قيىلىسى جانىنداعى ايالداما.
كولىك باعىتتارى ساعات 18:00-دە باستالادى.
ستاديون 18:45-تە اشىلادى.
بارلىق فۋتبول جانكۇيەرلەرىن كوماندانى قولداۋعا جانە تاريحي وقيعانىڭ جانكۇيەرى بولۋعا شاقىرامىز!