قابدولوۆ كوشەسىنىڭ ءبىر بولىگىنە ورتاشا جوندەۋ جۇرگىزۋگە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى.
14 قىركۇيەك ساعات 23.00-دەن 16 قىركۇيەك ساعات 11.00-گە دەيىن ساين كوشەسىنەن وتەگەن باتىر كوشەسىنە دەيىنگى اۋماقتا قوزعالىس جابىلادى. بۇل جەردى جۇمابايەۆ جانە تولە بي كوشەلەرىمەن اينالىپ وتۋگە بولادى.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.
