مەملەكەتتىك قىزمەت ىستەرى دەپارتامەنتىنىڭ الاڭىندا پرەزيدەنت جاستار كادرلىق رەزەرۆىنە ىرىكتەۋ بويىنشا دەپارتامەنت باسشىسى ي. ب. ۇيسىمبايەۆتىڭ قاتىسۋىمەن بريفينگ ءوتتى.
بريفينگ بارىسىندا سپيكەر رەزەرۆكە ىرىكتەۋ ءتارتىبى جانە ونى وتكىزۋ جوسپارى تۋرالى حاباردار ەتتى، دەپ حابارلايدى Almaty-akshamy.kz.
اعىمداعى جىلدىڭ 1 قىركۇيەگىندە پرەزيدەنتتىك جاستار كادرلىق رەزەرۆىنە كەزەكتى ىرىكتەۋ باستالادى، ونىڭ ىرىكتەۋ ەرەجەلەرى مەن ءتارتىبى پرەزيدەنتتىڭ جارلىعىمەن رەتتەلەدى. ماقساتى - قوعامدىق مۇددەلەردى باسشىلىققا الاتىن جاس تالانتتاردى انىقتاۋ جانە مەملەكەتتىك قىزمەتكە تارتۋ.
«كونكۋرسقا قاتىسۋعا 35 جاستان اسپاعان، جوعارى ءبىلىمى جانە كەمىندە بەس جىل ەڭبەك ءوتىلى بار قازاقستان رەسپۋبليكاسىنىڭ ازاماتتارى جىبەرىلەدى. ۇمىتكەرلەرگە قويىلاتىن جاڭا تالاپ ۇلتتىق ستاندارتتارعا سايكەس ورتا دەڭگەيدەن (ۆ1) تومەن ەمەس مەملەكەتتىك ءتىلدى مەڭگەرۋ بولىپ تابىلادى»، - دەپ اتاپ ءوتىلدى سپيكەر ءوز سوزىندە.
سونىمەن قاتار، دەپارتامەنت باسشىسى ۇمىتكەرلەرگە رەزەرۆكە الۋ ءۇشىن وتەتىن نەگىزگى دايەكتى كەزەڭدەردى اتاپ ءوتتى، ولار: كۇردەلى سانمەن جۇمىس ىستەۋ قابىلەتىن باعالاۋ ماسەلەلەرىن شەشۋ، جاعداياتتىق مىندەتتەردى شەشۋ، قۇزىرەتتەردى باعالاۋ، ساراپتامالىق كوميسسيادا اڭگىمەلەسۋ، پرەزيدەنت جانىنداعى جاستار كادر ساياساتى جونىندەگى ۇلتتىق كوميسسيانىڭ وتىرىسى.
«رەزەرۆتەگى كادردى بوس مەملەكەتتىك لاۋازىمعا تاعايىنداۋ قۇزىرەتتەر جيىنتىعى ەسكەرىلە وتىرىپ جانە جاستار كادر رەزەرۆى جونىندەگى ۇلتتىق كوميسسيانىڭ ۇسىنىمى بويىنشا كونكۋرستان تىس تارتىپپەن جۇزەگە اسىرىلاتىن بولادى. بۇل رەتتە رەزەرۆكە قابىلداۋ لاۋازىمعا تاعايىنداۋعا كەپىلدىك بەرمەيدى. تاعايىنداۋ "ا" كورپۋسىنىڭ ساياسي، اكىمشىلىك لاۋازىمدارىنا جانە "ب"كورپۋسىنىڭ باسشى لاۋازىمدارىنا كوزدەلەدى. رەزەرۆتە بولۋ مەرزىمى ءۇش جىلدى قۇرايدى. تىلەك بىلدىرۋشىلەر قۇجاتتاردى ونلاين رەجيمدە ارنايى ازىرلەنگەن pkrezerv.gov.kz سيفرلىق پلاتفورمادا تاپسىرا الادى»، - دەپ تۇيىندەدى سپيكەر.
الماتى قالاسى بويىنشا
مەملەكەتتىك قىزمەت ىستەرى دەپارتامەنتى