ارنايى ءىس-شارانى ەسىرتكى قىلمىسىنا قارسى كۇرەس باسقارماسى الماتى قالاسى تۇركسىب اۋدانىندا جۇرگىزگەن.
31 جاستاعى جەرگىلىكتى تۇرعىن ۇستالدى، ونى ءتىنتۋ كەزىندە قۇرامىندا ەرەكشە ءيىسى بار اق ءتۇستى ۇنتاق زات سالىنعان بايلامدار مەن بۋمالار تاركىلەندى، دەپ حابارلايدى aqshamnews.kz Polisia.kz-كە سىلتەمە جاساپ.
— ال ۇستالعان ازاماتتىڭ كولىگىنەن ەسىرتكى زاتتارىن تاسىمالداۋعا ارنالعان وسىعان ۇقساس زاتتارى بار سپورتتىق سومكە جانە باسقا دا قۇرال-جابدىقتار تابىلىپ، تاركىلەندى. ساراپتاما قورىتىندىسىنا سايكەس، تاركىلەنگەن زات جالپى سالماعى 1 كەلى 247 گرامم بولاتىن “a-PVP” پسيحوتروپتىق زاتى. تۇركسىب اۋداندىق پب-دا ەسىرتكى ساتۋ دەرەگى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى، - دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.