ءۇش مىڭنان استام پوليسەي قالاداعى ءتارتىپتى تاۋلىك بويى كۇزەتەدى.
قالادا بىرىكتىرىلگەن پوليسيا كۇشتەرىنىڭ ساپتۇزەۋى ءوتتى، دەپ حابارلايدى aqshamnews.kz.
Polisia.kzء-تىڭ مالىمەتىنشە، ونى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ جۇرگىزدى.
– قازاقستان پوليسياسىنىڭ باستى مىندەتى – قۇقىقتىق ءتارتىپتى، ازاماتتاردىڭ قاۋىپسىزدىگىن قامتاماسىز ەتۋ، سونداي-اق قوعاممەن سەنىمدى قارىم-قاتىناس ورناتۋ ەكەنىن بىلەسىزدەر. پوليسيا قىزمەتكەرى – مەملەكەت قاۋىپسىزدىگىنىڭ كەپىلى جانە ءارقاشان ازاماتتاردىڭ تىنىشتىعىن كۇزەتەدى. سىزدەردىڭ ءارقايسىڭىز قالاداعى ءتارتىپ پەن قىلمىسپەن كۇرەسكە ولشەۋسىز ۇلەس قوسىپ كەلەسىزدەر. ءبىز وتان الدىنداعى بورىشىن ابىرويمەن اتقارىپ جۇرگەن ارىپتەستەرىمىزدى ماقتان تۇتامىز، – دەدى ارىستانعاني زاپپاروۆ.
الماتى قالاسىنىڭ باس پوليسەيى قىزمەتىندە جوعارى ناتيجەلى كورسەتكىشتەرگە قول جەتكىزگەن جانە ءوز ءىسىنىڭ كاسىبي مامانى دەپ سانالعان پوليسيا قىزمەتكەرلەرىن قۇرمەت گراموتالارىمەن، العىس حاتتارمەن جانە توسبەلگىلەرمەن ماراپاتتادى. سونىمەن قاتار ساپتۇزەۋ بارىسىندا جاۋىنگەرلىك بولىمشە قىزمەتكەرلەرىنىڭ كيىم-كەشەكتەرى، اۆتوكولىكتەردىڭ جاعدايى، سونداي-اق قالاداعى قۇقىقتىق ءتارتىپتىڭ ساپاسىنا اسەر ەتەتىن تەحنيكالىق جابدىقتار تەكسەرىلدى.