الماتىدا پوليسيا قىزمەتكەرلەرىنە شابۋىل جاساعان 12 ادام سوتتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى قالالىق پد وزىندىك قاۋىپسىزدىك باسقارماسىنىڭ مالىمەتىنشە، وتكەن جىلى قالادا پوليسيا قىزمەتكەرلەرىنە قىزمەتتىك مىندەتتەرىن ورىنداۋ كەزىندە كۇش كورسەتۋدىڭ 21 دەرەگى تىركەلگەن. اتالعان ەپيزودتار بويىنشا ق ر قك-نىڭ 380-بابى بويىنشا قىلمىستىق ىستەر تىركەلدى.
«12 دەرەك بويىنشا سوت ۇكىمى شىعىپ، كىنالىلەر ق ر زاڭناماسىنا سايكەس لايىقتى جازاسىن الدى. اعىمداعى جىلدىڭ تولىق ەمەس قاڭتار ايىندا دەپارتامەنتتىڭ تەرگەۋ ءبولىمى 3 قىلمىستىق ءىس تىركەپ، كۇدىكتىلەر قاماۋعا الىندى. بيلىك وكىلدەرىنە كۇش قولدانۋدىڭ ءاربىر دەرەگى ەرەكشە باقىلاۋدا. سونىمەن قاتار بيلىك وكىلىنە قارسى، قورقىتۋ نەمەسە كۇش قولدانۋ – قىلمىستىق جازالاناتىن ارەكەتتەر بولىپ سانالاتىنىن جانە ءۇش جىلدان ون بەس جىلعا دەيىنگى مەرزىمگە باس بوستاندىعىنان ايىرۋعا جازالاناتىنىن ەسكە سالا كەتەيىك»، – دەدى الماتى قالاسى پد وزىندىك قاۋىپسىزدىك باسقارماسىنىڭ باستىعى ەرىك جۇماباي.