الماتىدا "پوليسيا – ەل قورعانى" فەستيۆالىنە وراي كولىك قوزعالىسى ۋاقىتشا شەكتەلەدى.
قازاقستان پوليسياسى كۇنىنە ارنالعان «پوليسيا – ەل قورعانى» فەستيۆالىنە بايلانىستى 27 ماۋسىم كۇنى ساعات 19:00-دەن 23:00-گە دەيىن رەسپۋبليكا سارايىنا ىرگەلەس اۋماقتا كولىك قوزعالىسىنا جارتىلاي شەكتەۋ قويىلادى.
شەكتەۋلەر قولدانىلادى:
- دوستىق داڭعىلى بويىمەن – قۇرمانعازى كوشەسىنەن ساتبايەۆ كوشەسىنە دەيىن (ەكى باعىتتا)؛
- اباي داڭعىلى بويىمەن – دوستىق داڭعىلىنان نازاربايەۆ داڭعىلىنا دەيىن (ەكى باعىتتا).
فەستيۆالگە كەلگەن قوناقتاردىڭ سانىن ەسكەرە وتىرىپ، قوعامدىق قاۋىپسىزدىكتى قامتاماسىز ەتۋ ماقساتىندا جول قوزعالىسى رەتتەلمەك.
"جۇرگىزۋشىلەردەن ءوز باعىتىن الدىن الا جوسپارلاۋدى جانە ۋاقىتشا شارالارعا تۇسىنىستىكپەن قاراۋدى سۇرايمىز"، - دەلىنگەن حابارلامادا.