مادەنيەت جانە اقپارات مينيسترلىگى ونلاين-پلاتفورمالار مەن بۇقارالىق اقپارات قۇرالدارىنا قاتىستى اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزۋ تۋرالى قۇجات جوباسىن ۇسىندى، دەپ حابارلايدى aqshamnews.kz
تەلەراديوارنالاردى قازاق تىلىندەگى كونتەنتتى سيرەك تاراتقانى ءۇشىن جازالاۋ ۇسىنىلدى. جوبا 2025 جىلدىڭ 10 شىلدەسىنە دەيىن كوپشىلىك تالقىلاۋىنا شىعارىلعان.
ۇسىنىلعان نەگىزگى وزگەرىستەردىڭ ءبىرى – تەلەكانالدار مەن راديوستانسيالار ءۇشىن قازاق تىلىندەگى حابار تاراتۋ ۇلەسى 55%-دان كەم بولماۋى ءتيىس دەگەن تالاپتى ەنگىزۋ. بۇل كورسەتكىش 2025 جىلعى 1 قاڭتاردان باستاپ كۇشىنە ەنۋى ءتيىس. ەگەر بۇل تالاپ ورىندالماسا، اكىمشىلىك جاۋاپكەرشىلىك كوزدەلگەن.
الايدا بۇل نورمانى بۇزعانى ءۇشىن ايىپپۇل كوزدەلمەگەن، بۇل ءوز كەزەگىندە ونىڭ تيىمدىلىگىنە كۇمان تۋدىرادى. سونىمەن قاتار، «جارناما تۋرالى» زاڭ بويىنشا تەلەراديوەفيردەگى جارناما كولەمى تاۋلىكتىك جالپى ۋاقىتتىڭ 20%-ىنان اسپاۋى ءتيىس. ءبىراق بۇل نورمانىڭ اقبتك-گە ەنگىزىلمەگەنى مەديا ۇيىمدارعا تالاپتى ساقتاۋدى قيىنداتادى.
اتالعان باستاما "اشىق نقا" پلاتفورماسىندا قوعامدىق تالقىلاۋعا ۇسىنىلعان.