الماتىدا ينتەرنەت-الاياقتىقتى 10،5%-عا تومەندەتۋگە مۇمكىندىك تۋدى.
قۇقىق قورعاۋ ورگاندارى زياتكەرلىك مەنشىك قۇقىقتارىن بۇزۋمەن بايلانىستى قىلمىستاردىڭ الدىن الۋ جانە ولارعا قارسى كۇرەستى كۇشەيتۋ بويىنشا جۇمىس جۇرگىزۋدە، دەپ حابارلايدى aqshamnews.kz Polisia.kz-كە سىلتەمە جاساپ.
– جەدەل جاعدايدى تۇراقتاندىرۋ ماقساتىندا پوليسەيلەر حالىقپەن جۇمىستى نەگىزگى كريتەرييلەر بويىنشا جۇرگىزەدى . بۇل ەڭ الدىمەن، حالىقتىڭ قۇقىقتىق ساۋاتتىلىعى، ياعني ب ا ق دەڭگەيىندە قولجەتىمدى جانە تۇسىنىكتى اقپاراتتىق جۇمىس، بۋكلەتتەر، بروشيۋرالار، كوشەلەردە، قوعامدىق ورىنداردا، ينتەرنەت-الاياقتىقتىڭ تۇرلەرى مەن ادىستەرى تۋرالى ەسكەرتۋلەر. سونداي-اق الاياقتىقتىڭ جاڭا تۇرلەرىنە، ولاردى جاساۋ جولدارىنا جانە دەر كەزىندە الدىن الۋ شارالارىنا مونيتورينگ جۇرگىزىلۋدە، – دەيدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
سپيكەردىڭ ايتۋىنشا، قالاداعى ساۋدا ورتالىقتارى مەن سۋپەرماركەتتەردە ينتەرنەت-الاياقتىقتىڭ الدىن الۋ بويىنشا پوستەرلەر ءىلىنىپ، قالانىڭ ورتالىق كوشەلەرىندەگى ەلەكتروندى بيلبوردتاردا ينتەرنەت-الاياقتىقتىڭ ادىستەرى مەن تۇرلەرى تۋرالى ەسكەرتپە بەينەروليكتەر كورسەتىلۋدە.
– قۇرمەتتى الماتى قالاسىنىڭ تۇرعىندارى مەن قوناقتارى! سىزدەرگە تاعى دا جۇگىنگىم كەلەدى جانە سىزدەردەن، ەڭ الدىمەن، جەكە دەرەكتەرىڭىزگە قاتىستى ءتارتىپتى ساقتاۋلارىڭىزدى سۇرايمىن: جەكە اقپاراتتى، تەلەفون قۇپيا سوزدەرىڭىزدى نەمەسە كارتالارىڭىزدىڭ CVR كودتارىن ەشكىممەن بولىسپەڭىز. ولاردى الاياقتار پايدالانۋى مۇمكىن. بانكتەن تۇسكەن كەز كەلگەن قوڭىراۋدى، تۋىستارمەن بولعان كەز كەلگەن جاعدايدى قايتا-قايتا تەكسەرۋ كەرەك، – دەدى ءىلياس ومىرسەرىكوۆ.
ەستەرىڭىزگە سالا كەتەيىك، بۇل كۇندەرى الماتىدا اقپاراتتىق تەحنولوگيالاردى قولدانۋ ارقىلى جاسالعان قۇقىق بۇزۋشىلىقپەن كۇرەسۋ شارالارىنىڭ تيىمدىلىگىن ارتتىرۋعا باعىتتالعان “Anti Fraud” رەسپۋبليكالىق ءىس-شاراسى وتۋدە.