الماتىدا پوليسەيلەر قولايسىز وتباسىعا كومەكتەستى، – دەپ حابارلايدى almaty-akshamy.kz
49 جاستاعى س.ەسىمدى ازاماتتىڭ وتباسى پوليسەيلەرگە جاقسى تانىس. ول قولايسىز وتباسى ساناتىندا: وتاعاسى الكوگولدىك سۋسىنداردى اسىرا پايدالانادى.
– وسى تاۋەلدىلىكتى ەسكەرە وتىرىپ، ەر ادام بىرنەشە رەت اكىمشىلىك جاۋاپكەرشىلىككە تارتىلدى. اتاپ ايتقاندا، قوعامدىق ورىنداردا الكوگولدىك ىشىمدىكتەردى ىشكەنى جانە بالا تاربيەلەۋدەگى اتا-انالىق مىندەتتەرىن دۇرىس ورىنداماعانى ءۇشىن. ونىڭ ءۇش بالاسى بار: 15، 13 جانە 9 جاستا. س.ەسىمدى ازاماتتىڭ جۇبايى بالالارعا جايلىلىق جاساۋعا بارىنشا تىرىسادى. مۇمكىندىگىنشە ءبىز دە تاماق، كيىمدەرمەن كومەكتەسەمىز. بۇل جولى دا ينسپەكتورلار بۇل وتباسىنا قاجەتتى زاتتاردى اكەلدى. وتاعاسىمەن الدىن-الۋ، قۇقىقتىق ءتۇسىندىرۋ جۇمىستارى جۇرگىزىلدى. ەر ادامنىڭ قوعامعا جات ءومىر سالتىن ۇستانۋى – بالالاردىڭ كىناسى ەمەس. ولاردىڭ ەلىمىزدىڭ لايىقتى ازاماتى بولىپ ءوسۋى ءۇشىن دۇرىس تاربيە الۋعا، اسىراۋعا، ءبىلىم الۋعا تولىق قۇقىعى بار، – دەدى بوستاندىق اۋداندىق پوليسيا باسقارماسىنىڭ باستىعى دۋمان اۋحادييەۆ.