الماتىدا “مەفەدرون” ساتقان 24 جاستاعى ەر ادام ۇستالدى، – دەپ حابارلايدى almaty-akshamy.kz
جەدەل-ىزدەستىرۋ ءىس-شارالارى بارىسىندا الماتى قالاسىنىڭ پوليسەيلەرى پسيحوتروپتىق زاتتاردى زاڭسىز ساقتادى دەگەن كۇدىكپەن 24 جاستاعى ا.ەسىمدى ازاماتتى ۇستادى، ودان جەكە جانە تۇرعىلىقتى جەرىن ءتىنتۋ كەزىندە اق ءتۇستى ۇنتاق زاتى بار پوليەتيلەن پاكەتتەرى مەن قاعاز پاكەتتەرى انىقتالىپ، تاركىلەندى.
– بۇل دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ەسىرتكى، پسيحوتروپتىق زاتتار، پرەكۋرسورلار مەن سول تەكتەستەرگە سوت-مەديسينالىق ساراپتاما تاعايىندالدى. قورىتىندىعا سايكەس تاركىلەنگەن زاتتار “مەفەدرون” پسيحوتروپتىق زاتى بولىپ شىقتى. وسى قىلمىستىق ءىس اياسىندا جۇرگىزىلگەن قوسىمشا جەدەل-ىزدەستىرۋ ءىس-شارالارى بارىسىندا ناۋرىزباي اۋدانىنىڭ اۋماعىنان ەسىرتكى سالىنعان تاعى 40 پوليەتيلەن پاكەتى تابىلدى. الماتىدا ءشوپتىڭ جەتكىزۋ ارناسى انىقتالۋدا، – دەپ تۇيىندەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.