قوعامدىق قاۋىپسىزدىكتى قامتاماسىز ەتۋدە جاڭا تەحنولوگيالاردى كەڭىنەن قولدانۋ – زامان تالابى.
وسىنى ەسكەرە وتىرىپ، الماتى قالاسىنىڭ پوليسياسى قۇقىق بۇزۋشىلىقتاردىڭ جانە جول-كولىك وقيعالارىنىڭ الدىن الۋ ماقساتىندا الەۋمەتتىك روليكتەر، سيۋجەتتەر مەن رەپورتاجدار ازىرلەۋگە ەرەكشە نازار اۋدارادى، دەپ حابارلايدى aqshamnews.kz Polisia.kz-كە سىلتەمە جاساپ.
بۇل مەديا ونىمدەر كەيىننەن تەلەديدار ەكراندارىنان كورسەتىلىپ، ينتەرنەت-پورتالداردا، پوليسيا دەپارتامەنتىنىڭ رەسمي اككاۋنتتارىندا جاريالانادى، سونداي-اق الەۋمەتتىك جەلىلەر ارقىلى كەڭىنەن تاراتىلادى.
- جول قوزعالىسى قاۋىپسىزدىگى تاقىرىبىندا ازىرگە ءۇش بەينەروليك دايىندالدى. ولار جولداعى ءقاۋىپتى جاعدايلارعا ىقپال ەتەتىن جانە كوبىنەسە ءىرى جول-كولىك وقيعالارىنىڭ سەبەبىنە اينالاتىن ەرەجەبۇزۋشىلىقتاردىڭ ءجيى كەزدەسەتىن تۇرلەرىن قامتيدى. سونىمەن قاتار بۇل بەينەماتەريالدار بارلىق جاستاعى كورەرمەندەرگە ارنالعان، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
سپيكەردىڭ ايتۋىنشا، جاياۋ جۇرگىنشىلەردىڭ قاتىسۋىمەن بولاتىن جول-كولىك وقيعالارىنىڭ سانى جىل سايىن ارتىپ كەلەدى. بۇل – قوعام ءۇشىن الاڭداتارلىق جاعداي. - جول قوزعالىسىنا قاتىسۋشىلاردىڭ ءارقايسىسى، ەڭ الدىمەن، ءوز قاۋىپسىزدىگىن ويلاپ، جول ەرەجەلەرىن قاتاڭ ساقتاۋى ءتيىس. بالالار ۇلكەندەردىڭ ىس-ارەكەتىن قايتالايتىندىقتان، ەرەسەكتەر ولارعا دۇرىس ۇلگى كورسەتۋى قاجەت. سول سەبەپتى ءاربىر اتا-انا وزىنە دە، بالاسىنا دا ءقاۋىپسىز ورتا قالىپتاستىرۋعا ءمان بەرۋى كەرەك. ءبىز جاياۋ جۇرگىنشىلەردى جول قوزعالىسى مادەنيەتىن ساقتاۋعا شاقىرامىز، – دەپ اتاپ ءوتتى اسحات قۇلبايەۆ.