الماتىلىق كيبەرپوليسيا قىزمەتكەرلەرى “Anti-fraud” جەدەل الدىن الۋ ءىس-شاراسى بارىسىندا ارنايى تەحنيكالىق قۇرىلعىلاردى زاڭسىز ساتپاق بولعان كۇدىكتىنى انىقتادى.
جاسىرىن دىبىس جانە بەينە جازبا جاساۋعا ارنالعان تەحنيكالىق قۇرالداردىڭ زاڭسىز اينالىمى توقتاتىلدى، دەپ حابارلايدى aqshamnews.kz Polisia.kz-كە سىلتەمە جاساپ.
الماتى وبلىسىنىڭ 26 جاستاعى تۇرعىنى جاسىرىن جازبا فۋنكسياسى بار قالامداردى ساتقانى ءۇشىن ۇستالدى. سونداي-اق كۇدىكتىنىڭ جۇمىس ورنىن تەكسەرۋ كەزىندە بىرنەشە وسىنداي قالام، ماگنيتتى كامەرالار مەن بەينەباقىلاۋ جابدىقتارى بار شامدار تابىلىپ، تاركىلەندى.
— قازىرگى ۋاقىتتا اۋەزوۆ اۋداندىق پوليسيا باسقارماسىندا كۇدىكتىگە قاتىستى ق ر قىلمىستىق كودەكسىنىڭ اقپاراتتى جاسىرىن الۋ ماقساتىندا ارنايى تەحنيكالىق قۇرالداردى زاڭسىز ءوندىرۋ، ساقتاۋ، وتكىزۋ نەمەسە پايدالانۋ دەرەگى بويىنشا ءىس قوزعالدى، — دەدى الماتى قالالىق پد كيبەرقىلمىسقا قارسى كۇرەس باسقارماسىنىڭ باستىعى انەس قالدىبايەۆ.