الماتىداعى №200 جالپى ءبىلىم بەرەتىن مەكتەپتە پوليسيا قىزمەتكەرلەرى جوعارى سىنىپ وقۋشىلارىنا ارنالعان كەشەندى قاۋىپسىزدىك ساباعىن جۇرگىزدى، - دەپ حابارلايدى Aqshamnews.kz.
ءىس-شاراعا كيبەرپوليسيا، ۇيىمداسقان قىلمىسقا قارسى كۇرەس باسقارماسى، كريمينالدىق پوليسيا، ەسىرتكى قىلمىسىنا قارسى ءىس-قيمىل باسقارماسى جانە يۋۆەنالدى پوليسيا بولىمشەلەرىنىڭ ماماندارى قاتىستى. پوليسەيلەر وقۋشىلارعا جەكە قاۋىپسىزدىك ەرەجەلەرى، كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ، كيبەرقاۋىپتەر، كەڭ تارالعان الاياقتىق تۇرلەرى، سونداي-اق ءقاۋىپ تونگەن جاعدايلاردا دۇرىس ارەكەت ەتۋ جولدارى تۋرالى جان-جاقتى ءتۇسىندىردى. ينتەرنەت كەڭىستىگىندە ءقاۋىپسىز مىنەز-قۇلىق ساقتاۋ، جەكە دەرەكتەردى قورعاۋ جانە قاجەتتى جاعدايدا دەر كەزىندە كومەككە جۇگىنۋدىڭ ماڭىزىنا نازار اۋدارىلدى.
— جاسوسپىرىمدەرمەن پروفيلاكتيكالىق جۇمىس – ءبىزدىڭ نەگىزگى باسىم باعىتتارىمىزدىڭ ءبىرى. مۇنداي ساباقتار بالالارعا ناقتى تاۋەكەلدەردى ءتۇسىنىپ، كۇردەلى جاعدايلاردا دۇرىس شەشىم قابىلداۋدى ۇيرەتەدى. ءبىزدىڭ مىندەت – وسكەلەڭ ۇرپاقتىڭ قاۋىپسىزدىك مادەنيەتىن جانە جاۋاپكەرشىلىك سەزىمىن قالىپتاستىرۋ. مەكتەپتەردەگى جۇيەلى جۇمىستى جالعاستىرىپ كەلەمىز، سەبەبى الدىن الۋ — ءاردايىم سالدارمەن كۇرەسۋدەن ءتيىمدى، – دەدى الماتى قالاسى پوليسيا دەپارتامەنتىنىڭ قوعامدىق قاۋىپسىزدىك باسقارماسىنىڭ باستىعى اسحات قۇلبايەۆ.