ق ر وقۋ-اعارتۋ مينيسترلىگى پەداگوگتەردىڭ ۇزدىكسىز كاسىبي دامۋىن قامتاماسىز ەتۋ ماقساتىندا جۇيەلى جۇمىس جۇرگىزىپ كەلەدى.
2025 جىلدىڭ باسىنان بەرى ەلىمىز بويىنشا ورتا ءبىلىم بەرۋ جۇيەسىنىڭ 91 مىڭنان استام پەداگوگى تەگىن بىلىكتىلىكتى ارتتىرۋ كۋرستارىنان وتكەن، - دەپ حابارلايدى Aqshamnews.kz.
باعدارلامالار باستاۋىش سىنىپ، قوعامدىق-گۋمانيتارلىق، جاراتىلىستانۋ-ماتەماتيكالىق باعىتتارىنداعى جانە دەنە شىنىقتىرۋ ءپانى مۇعالىمدەرىن قامتيدى. سونداي-اق، پەداگوگتەر ينكليۋزيۆتى ءبىلىم بەرۋ، كوشباسشىلىق، يننوۆاسيالار مەن سيفرلىق قۇزىرەتتىلىك باعىتتارى بويىنشا دا ءدارىس تىڭدادى.
ونىڭ ىشىندە، 70 مىڭعا جۋىق سالا مامانى «ورلەۋ» بىلىكتىلىكتى ارتتىرۋ ۇلتتىق ورتالىعىندا كۋرستان وتسە، 18 مىڭعا جۋىعى «وركەن» بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتىندا وقىتىلدى. سونداي-اق رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى، ۇلتتىق عىلىمي-پراكتيكالىق دەنە تاربيەسى ورتالىعى، ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعىندا ارنايى تەگىن كۋرستار ۇيىمداستىرىلدى.