الماتى قالاسىندا پوليسيا جول-كولىك وقيعالارىنىڭ الدىن الۋ جانە قوزعالىس قاۋىپسىزدىگىن ارتتىرۋ ماقساتىندا سونىڭ ىشىندە ەلەكتروساموكاتتاردىڭ قاتىسۋىمەن، اۋقىمدى رەيدتىك ءىس-شارالار وتكىزدى.
تاۋلىك ىشىندە ساموكات جۇرگىزۋشىلەرى تاراپىنان جول قوزعالىسى تۋرالى زاڭنامانى بۇزۋدىڭ 800-دەن استام (جىل باسىنان بەرى 16 مىڭنان استام) دەرەگى انىقتالدى، دەپ حابارلايدى Aqshamnews.kz Polisia.kz-كە سىلتەمە جاساپ.
اتاپ ايتقاندا: جول قوزعالىسىنا قاتىسۋشىلارعا قويىلاتىن تالاپتاردى ساقتاماۋدىڭ 489 دەرەگى6 جاياۋ جۇرگىنشىلەر مەن وزگە دە قاتىسۋشىلاردىڭ قوزعالىس ەرەجەلەرىن بۇزۋىنىڭ 237 دەرەگى، اتا-انالاردىڭ بالالاردىڭ قاۋىپسىزدىگىن قامتاماسىز ەتۋ شارالارىن ورىنداماۋىنىڭ 11 دەرەگى، كوشەنى اباتتاندىرۋ ەرەجەلەرىن بۇزۋدىڭ 47 دەرەگى، قوعامدىق ورىنداردى لاستاۋ بويىنشا 23 قۇقىق بۇزۋشىلىق انىقتالعان.
سونىمەن قاتار تروتۋارلاردا جانە جولداردا ەلەكتروساموكاتتاردى بەيبەرەكەت قالدىرۋ دەرەكتەرى انىقتالدى، بۇل ءوز كەزەگىندە قوزعالىسقا كەدەرگى كەلتىرەدى. 259 ساموكات ارنايى تۇراققا قويىلدى. سونداي-اق ەلەكتروساموكاتتاردىڭ شوعىرلانعان ورىندارىندا كۇشەيتىلگەن پاترۋلدەۋ جۇرگىزۋ ماقساتىندا وپەراتور-كومپانيالار ۇسىنعان ساموكاتتارمەن 50 پوليسيا باعىتى ۇيىمداستىرىلدى.
- پروفيلاكتيكا جىلى جانە “زاڭ مەن ءتارتىپ” قاعيداتى – بۇل ءبىز ءۇشىن جول قوزعالىسى قاۋىپسىزدىگىنە جۇيەلى ءارى كۇندەلىكتى باقىلاۋ دەگەندى بىلدىرەدى. ەلەكتروساموكات قولدانۋشىلارىمەن جۇمىس جالعاسۋدا: ءبىز قۇقىق بۇزۋشىلىقتاردىڭ الدىن الامىز، ەرەجەلەردى تۇسىندىرەمىز جانە قاجەت بولعان جاعدايدا زاڭدا كوزدەلگەن شارالاردى قولدانامىز، – دەدى الماتى قالاسى پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.