2021 جىلدىڭ 15 جەلتوقسانى مەن 2022 جىلدىڭ 12 قاڭتارى ارالىعىندا الماتى قالاسىندا «پيروتەحنيكا» رەسپۋبليكالىق جەدەل الدىن الۋ ءىس-شاراسى ەكى كەزەڭدە وتكىزىلۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءىس-شارانىڭ ماقساتى – جاڭاجىلدىق مەرەكەلەر كەزىندە قوعامدىق قاۋىپسىزدىكتى قامتاماسىز ەتۋ، جەكە جانە زاڭدى تۇلعالاردىڭ ازاماتتىق پيروتەحنيكالىق زاتتار مەن قولدانىلعان بۇيىمدار اينالىمىنىڭ بەلگىلەنگەن ەرەجەلەرىن ساقتاۋىن باقىلاۋ.
«الماتىعا جىل سايىن ءتۇرلى پيروتەحنيكالىق بۇيىمدار وندىرىلەدى جانە جەتكىزىلەدى. سوندىقتان بالالار اراسىندا جاراقاتتانۋدى بولدىرماۋ ءۇشىن قىزمەتىنە قوعامدىق ءتارتىپتى ساقتاۋ كىرەتىن پوليسيا جاساقتارىنىڭ، ۋچاسكەلىك پوليسيا ينسپەكتورلارىنىڭ، سونداي-اق مەكتەپ پوليسياسى ينسپەكتورلارىنىڭ نازارى كامەلەتكە تولماعانداردىڭ پيروتەحنيكالىق بۇيىمداردى پايدالانۋىن، ونىڭ ىشىندە ءبىلىم بەرۋ مەكەمەلەرىنىڭ اۋماقتارىندا قولدانۋىنىڭ جولىن كەسۋ. پيروتەحنيكالىق بۇيىمداردى اۆتوكولىكپەن تاسىمالداۋدىڭ زاڭدىلىعىن تەكسەرۋ جۇمىستارى جۇرگىزىلۋدە.«پيروتەحنيكا» ءجاى جىل سايىن جاڭاجىلدىق مەرەكەلەر قارساڭىندا وتكىزىلەدى، ونىڭ قورىتىندىسى تۋرالى قوسىمشا حابارلايتىن بولامىز»، – دەدى الماتى قالالىق پد ازاماتتىق جانە قىزمەتتىك قارۋ اينالىمىن باقىلاۋ ءبولىمىنىڭ باستىعى راحىم تولەقۇلوۆ.
قالانىڭ بارلىق اۋداندارىندا ءبىزدىڭ پوليسيا بولىمشەسىنىڭ قىزمەتكەرلەرى مەن ۋچاسكەلىك پوليسيا ينسپەكتورلارى اراسىنان ارنايى توپتار قۇرىلدى.
«تەكسەرۋ قالانىڭ بارلىق بازارلارىنداعى ساۋدا ورىندارىن قامتىدى. بۇل ونىمدەر ستيحيالىق ساۋدا ورىندارىندا دا ساتىلىپ جاتقانى بەلگىلى. ادەتتە، ساتۋشىلاردا ءونىم سەرتيفيكاتتارى جوق، ال كەيبىرىنىڭ پيروتەحنيكالىق زاتتارمەن ساۋدا جاساۋعا ليسەنزياسى دا جوق. ساليۋتتار، وتشاشۋلار كۇماندى ساپادا بولادى، سونىڭ سالدارىنان – ولاردى پايدالانۋ كەزىندەگى توتەنشە جاعدايلار كوبىنەسە اۋىر زارداپتارعا اكەلەدى. بۇل جاعىنان، اسىرەسە، بالالار وسال بولىپ كەلەدى. تاجىريبەدە، وكىنىشكە وراي، ولاردىڭ پيروتەحنيكالىق بۇيىمداردى پايدالانۋ سالدارىنان جاراقات الۋ فاكتىلەرى بار»، – دەدى ر.تولەقۇلوۆ.