الماتىدا دوستىق پەن ءال-فارابي قيىلىسىندا پاترۋلدىك كولىك جول اپاتىنا ۇشىرادى، دەپ حابارلايدى Zakon.kz.
Toyota Camry 70 جۇرگىزۋشىسى ءال-فارابي بويىمەن باتىسقا قاراي دوستىققا بۇرىلاتىن جول ايرىعىمەن كەلە جاتىپ، دوستىق داڭعىلىنا بۇرىلماي، تىك جولدى جالعاستىرىپ، جول جيەگىنە سوقتىعىسقان.
ول داڭعىل مەن ءبورديۋردى كەسىپ ءوتىپ، قالالىق اۆتوبۋسپەن سوقتىعىسىپ، ءارى قاراي كەتە بەرگەن. سودان كەيىن كولىك قايتادان جول جيەگىنە شىعىپ، ارنايى باتالون پوليسيا قىزمەتكەرلەرىنىڭ كولىگىنە اۋدارىلعان.
پاترۋلدىك كولىكتە بولعان قىزمەتكەرلەر، كولىك جۇرگىزۋشى مەن ونىڭ جولاۋشىسى اۋرۋحاناعا جاتقىزىلدى.