ۇرىلاردى ۇستاۋ ءىس-شاراسىن كريمينالدىق پوليسيانىڭ ارنايى توبى مەن پوليسيانىڭ ارنايى جاساعىنىڭ قىزمەتكەرلەرى “ارلان” قىزمەتكەرلەرىمەن بىرلەسىپ جۇرگىزدى.
قازىرگى ۋاقىتتا پاتەر ۇرلىعىنىڭ 6 دەرەگىنە وسى “ۇشتىكتىڭ” قاتىسى بار ەكەندىگى بەلگىلى بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كۇدىكتىلەر قىلمىس جاساپ بولعان بويدا ۇستالدى. اۋەزوۆ اۋدانىندا ورنالاسقان پاتەردەن قاسكويلەر 1 ميلليون تەڭگەنىڭ مۇلكىن – ەكى نوۋتبۋك پەن قولما-قول اقشانى الىپ كەتكەن. ۇستاۋ كەزىندە پوليسەيلەر ۇرلانعان زاتتاردان باسقا، كۇدىكتىلەردەن كىلتتەر جيناعىن، جينالمالى پىشاق پەن ەلەكتروشوكەردى تاركىلەدى. ايعاقتى زاتتار تاركىلەنىپ، قىلمىستىق ءىس ماتەريالدارىنا قوسىلدى. اتالعان دەرەك بويىنشا ق ر قك-نىڭ 188-بابى 3-بولىگىنە سايكەس، سوتقا دەيىنگى تەرگەۋ امالدارى باستالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ايتپاقشى، كۇدىكتىلەر – 30 جاستاعى ك.ەسىمدى، ج.ەسىمدى جانە ك.ەسىمدى ازاماتتار. ولار بۇرىن دا وسىعان ۇقساس مۇلىكتىك قىلمىستاردى جاساعانى ءۇشىن سوتتى بولعان. بۇل “ۇشتىكتىڭ” جەكە باسى باسقا دا ىقتيمال قىلمىستىق ەپيزودتارعا قاتىسى بار-جوعىنا تەكسەرىلەتىن بولادى. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.