الماتىدا پاتەر ۇرىلارى قولعا ءتۇستى

ەكى ەر ادام قالانىڭ ءارتۇرلى اۋداندارىندا بوتەن پاتەرلەرگە كىرىپ، باعالى زاتتاردى ۇرلاپ جۇرگەن.

قازىرگى ۋاقىتتا “قىلمىستىق جۇپتىڭ” ۇلەسىندە بوتەننىڭ مۇلكىن ۇرلاۋ بويىنشا ءۇش ەپيزود بار، دەپ حابارلايدى Almaty-akshamy.kz Polisia.kz-كە سىلتەمە جاساپ.

«قاسكويلەر ستاندارتتى تىزبەك بويىنشا ارەكەت ەتتى. تەرەزەلەردى اشۋ ارقىلى پاتەرلەر مەن ۇيلەرگە كىرگەن. جەكە سەكتورداعى ۇيلەردىڭ بىرىندە كولىكتىڭ ەسىگىن اشىپ، ىشىندەگى اقشانى ۇرلاپ كەتكەن. قازىرگى ۋاقىتتا اۋەزوۆ، مەدەۋ جانە بوستاندىق اۋداندارىندا جاسالعان ءۇش ۇرلىق دەرەگى دالەلدەندى. سونداي-اق ۇستالعانداردىڭ ءبىرىنىڭ كولىگىن ءتىنتۋ كەزىندە ودان 9 مم كاليبرلى ماكاروۆ جۇيەسىنىڭ جاۋىنگەرلىك تاپانشاسى، 23 دانا ءوق-دارى تابىلدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

ديدار احانوۆتىڭ ايتۋىنشا، كۇدىكتىلەردى ۇستاۋ ءىس-شاراسىن كريمينالدىق پوليسيا، اۋەزوۆ اۋداندىق پب-عا قاراستى پوليسيا ءبولىمىنىڭ قىزمەتكەرلەرى جانە پوليسيانىڭ ارنايى جاساعى جۇرگىزگەن.

«ۇرىلاردىڭ سوڭعى قىلمىسى ناتيجەسىندە الماتىلىق ازاماتتىڭ پاتەرىنەن التىن بۇيىمدارى مەن اقشاسى جوعالىپ كەتكەن. ۇستالعان ادامدار زاتتاي ايعاقتاردان قۇتىلىپ ۇلگەرمەدى. زاتتار تۇتقىنداۋ كەزىندە تاركىلەندى جانە قىلمىستىق ىسكە قوسىلدى. قازىرگى ۋاقىتتا قىلمىسقا قاتىسۋشىلار ۋاقىتشا ۇستاۋ يزولياتورىنا قامالدى. ق ر قك-نىڭ 188-بابى 3-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. ايتپاقشى، كۇدىكتىنىڭ ءبىرى – 1983 جىلى تۋعان م.ەسىمدى ازامات. بۇرىن دا وسىعان ۇقساس قىلمىستار جاساعانى ءۇشىن سوتتالعان، ال ونىڭ سىبايلاسى – 1991 جىلى تۋعان يا.ەسىمدى ازامات. ول ادام ولتىرگەنى ءۇشىن جازاسىن وتەپ كەلگەن»، – دەدى ديدار احانوۆ.