كۇدىكتىنى "اقبۇلاق" ىقشاماۋدانىنداعى جەكە ۇيلەردىڭ بىرىندە جاسالعان ۇرلىقتان كەيىن پوليسيانىڭ ارنايى جاساعى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل – اقمولا وبلىسىنىڭ 33 جاستاعى ا.ەسىمدى تۇرعىنى. الدىن الا مالىمەت بويىنشا، كۇدىكتى تەك الماتى قالاسى الاتاۋ اۋدانىنداعى جەكە سەكتوردا ۇرلىقپەن اينالىسىپ جۇرگەن. سونىمەن قاتار، ونىڭ قىلمىستىق ىس-ارەكەتىنىڭ كەڭەيتىلگەن گەوگرافياسى دا جوققا شىعارىلمايدى. ۇستالعان ادامنىڭ جەكە باسى مۇقيات تەكسەرىلەتىن بولادى. قاسكويدى بوتەن ادامداردىڭ ۇيلەرىندەگى شاعىن سيفرلىق جابدىقتار، ءموبيلدى قۇرىلعىلار مەن گادجەتتەر قىزىقتىرعانى بەلگىلى بولدى. تەرگەۋ بارىسىندا قازىرگە دەيىن وسىنداي التى ەپيزود انىقتالدى. اۋداندىق پوليسيا باسقارماسىندا قىلمىستىق ءىس تىركەلدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
كۇدىكتى قاماۋعا الىندى. زاتتاي ايعاقتار تاركىلەندى. ق ر قپك-نىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابىنىڭ 1-بولىگىنە سايكەس، سوتتىڭ زاڭدى كۇشىنە ەنگەن ۇكىمىمەن ونىڭ قىلمىستىق قۇقىقبۇزۋشىلىق جاساۋداعى كىناسى انىقتالعانعا دەيىن اركىم كىناسىز دەپ ەسەپتەلەدى.