ۇستالعان ازامات كىناسىن مويىندادى
الماتى قالاسى اۋەزوۆ اۋدانىندا 37 جاستاعى م.ەسىمدى ازامات ءۇش پاتەر ۇرلىعىن جاساعان، دەپ حابارلايدى Almaty-akshamy.kz.
«قاسكوي پاتەرلەرگە كىلت تاڭداۋ ارقىلى كىرىپ، شاعىن تۇرمىستىق تەحنيكا، زەرگەرلىك بۇيىمدار مەن اقشانى ۇرلاپ كەتكەن. قازىرگى ۋاقىتتا ۇستالعان ازاماتتىڭ وسىعان ۇقساس 3 زاڭسىز ارەكەتكە قاتىستىلىعى دالەلدەندى. ۇستالعان ازامات كىناسىن مويىندادى. اتالعان دەرەكتەر بويىنشا قىلمىستىق ىستەر تىركەلدى. ولار ق ر قك-نىڭ 188 بابى 3 بولىگىنىڭ 3 تارماعىندا (ۇرلىق، ياعني بىرنەشە رەت بوتەننىڭ مۇلكىن جاسىرىن جىمقىرۋ) كوزدەلگەن قىلمىس بەلگىلەرى بويىنشا ءبىر ءىس جۇرگىزۋگە بىرىكتىرىلگەن. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. «پاتەر ۇرىسىنىڭ» قالا اۋماعىندا وسىعان ۇقساس قىلمىستارعا قاتىسى بار-جوعى تەكسەرىلۋدە»، - دەدى، اۋەزوۆ اۋداندىق پوليسيا باسقارماسىنىڭ باستىعى، پوليسيا پودپولكوۆنيگى ۇلان ءابىلقايىر.