الماتى پوليسياسى پاتەر الاياعىن ۇستادى، دەپ حابارلايدى almaty-akshamy.kz Polisia.kz. سىلتەمە جاساپ.
بۇل جولى جامبىل وبلىسىنىڭ 23 جاستاعى تۇرعىنى “ەرەكشەلەندى”. ك.ەسىمدى ازامات پاتەرلەردى ساعات سايىن جالعا العان، سودان كەيىن تومەن باعامەن تاۋلىككە جالداۋ تۋرالى قايتا حابارلاندىرۋ ورنالاستىرىپ، بۇل پاتەردى قايتا جالعا بەردى.
– جەدەل ىزدەستىرۋ ءىس-شارالارى بارىسىندا الاياقتىق ارەكەتتەردى جاساعان كۇدىكتى ۇستالدى. قىلمىستىق ءىس ق ر قك-نىڭ 190-بابى 1-بولىگى بويىنشا تەرگەلۋدە. ك.ەسىمدى ازامات تا وسىعان ۇقساس قىلمىس جاساعانى ءۇشىن سوتتىلىعى بار. قازىرگى ۋاقىتتا كۇدىكتى ۋاقىتشا ۇستاۋ يزولياتورىندا وتىر. كۇدىكتىنىڭ بىرنەشە رەت زاڭعا قايشى ارەكەتتەرى بولعانىن ەسكەرە وتىرىپ، وسى ادامنىڭ الاياقتىق ارەكەتتەرىنەن زارداپ شەككەن ازاماتتاردى مىنا تەلەفون نومىرلەرى ارقىلى حابارلاسۋلارىن سۇرايمىز: 8-708-707-9202؛ 8-705-555-7763؛ 8-775-719-2727، – دەدى المالى اۋداندىق پوليسيا باسقارماسى باستىعىنىڭ ورىنباسارى ۆلاديمير رەشەتنيكوۆ.