الماتىدا پاراتەننيستەن العاشقى ەل چەمپيوناتىنىڭ جەڭىمپازدارى انىقتالدى

ارباداعى تەننيس الەمدە كەڭىنەن تانىمال

الماتى قالاسىندا پاراليمپيالىق تەننيستەن ءبىرىنشى رەت قازاقستان چەمپيوناتى مارەسىنە جەتىپ، العاشقى جەڭىمپازدار انىقتالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستان تەننيس فەدەراسياسىنان ءمالىم ەتكەنىندەي، ەل بىرىنشىلىگىنە اقتوبە، اقتاۋ، ورال، قاراعاندى، استانا جانە الماتى قالالارىنان 40-تان استام سپورتشى قاتىستى.

چەمپيوناتتىڭ اشىلۋ راسىمىندە قازاقستان تەننيس فەدەراسياسىنىڭ (قتف) اتقارۋشى ديرەكتورى دەيۆ مايليگە ۇلتتىق پاراليمپيالىق كوميتەتتەن قتف-نى جازعى پاراليمپيالىق سپورت ءتۇرى – ارباداعى تەننيس بويىنشا سپورتتىق فەدەراسيا دەپ تانۋ تۋرالى سەرتيفيكات تاپسىرىلدى.

جارىس ءتورت جاس ەرەكشەلىگىنە قاراي وتكىزىلىپ، مىنا سپورتشىلار جۇلدەگە ىلىكتى.

ەرلەر 16+:

1.داستان نيازوۆ (اقتوبە)

2.فەدور ستارىگين (قاراعاندى)

3.ەۆگەنيي بىكوۆ (قاراعاندى).

قىزدار 16+:

1.ايشۋاق جەتپەيىسوۆا (قاراعاندى)

2.ايگۇل بەردىشيەۆا (اقتوبە)

3.اسەل اساۋبايەۆا (قاراعاندى).

بوزبالالار 14-15 جاس:

1.ماديار بايكەنوۆ (اقتوبە)

2.تۇراربەك مارات (ورال)

3.نازار تروفيموۆ (اقتاۋ).

بالالار 7-8 جاس:

1.يۆان سولوۆيەۆ (الماتى)

2.حوليد رۋستاموۆ (استانا).

سونداي-اق استانالىق دىنمۇحامەد الياكپاروۆ «ۇزدىك تەحنيكاسى ءۇشىن»، ورالدىق البينا بەكجانوۆا مەن اقتوبەلىك ەۆگەنيي ەدەليەۆ «جەڭىسكە دەگەن جىگەرى ءۇشىن» اتالىمىمەن ماراپاتتالدى.

«ارباداعى تەننيس الەمدە كەڭىنەن تانىمال. ۋيمبلدون، اقش، اۋستراليا، فرانسيا اشىق چەمپيوناتتارى سەكىلدى «ۇلكەن دۋلىعا» تۋرنيرلەرى بار. ءوز جۇلدىزدارى دا از ەمەس. قازاقستاندىق سپورتشىلاردىڭ سولاردىڭ قاتارىنا قوسىلاتىنىنا سەنەمىن. ەڭ باستىسى، ايانباي تەر توگۋ كەرەك. تۋرنير قورىتىندىسى بويىنشا ۇلتتىق قۇراما جاساقتالىپ، الداعى جىلى قىتايدا وتەتىن حالىقارالىق جارىسقا العاش رەت قاتىساتىن بولادى»، دەدى قازاقستان تەننيس فەدەراسياسىنىڭ اتقارۋشى ديرەكتورى دەيۆ مايلي.

ەسكە سالا كەتەيىك، بۇدان بۇرىن ەلەنا رىباكينانىڭ الەمدىك رەيتينگىدە 22-ورىنعا كوتەرىلگەنىن، قازاقستاندىق تەننيسشى الەمدىك رەيتينگىدە جەكە رەكوردتىق ناتيجەگە قول جەتكىزگەنىن جازعان ەدىك.