ءورت ورنىنان 25 ليترلىك 5 گاز باللونى ەۆاكۋاسيالاندى
الماتىدا جەكە مەنشىك سەكتوردا ءورت بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، ءورت بۇگىن جەتىسۋ اۋدانىندا، رايىمبەك داڭعىلى، گاليلەي 38 مەكەنجايىندا بولدى.
«ساعات شامامەن 15:04-تە ءورت سوندىرۋشىلەر شاقىرتۋعا شىقتى. ولار كەلگەندە جەكەمەنشىك ءۇي مەن قورانىڭ ورتەنىپ جاتقانى انىقتالدى. ءورتتىڭ كورشى ۇيگە ءوتۋ ءقاۋپى بولدى. جاقىن جەردە ورنالاسقان ءورت ءسوندىرۋ گيدرانتتارىنا اۆتوسيستەرنالار ورناتىلىپ، ۇزدىكسىز سۋمەن قامتاماسىز ەتىلىپ، ءورتتىڭ تارالۋ ءقاۋپى جويىلدى. ءورت ورنىنان 25 ليترلىك 5 گاز باللونى ەۆاكۋاسيالاندى»، - دەپ حابارلادى ۆەدومستۆونىڭ باسپا ءسوز قىزمەتى.
وقيعا ورنىندا 10 بىرلىك تەحنيكا مەن 26 ادام جۇمىلدىرىلدى. ءورت ساعات 35 مينۋتتا اۋىزدىقتالىپ، 15:46-دا ءسوندىرىلدى.
ءورتتىڭ شىعۋ سەبەبى انىقتالۋدا.