الماتىدا وزگەنىڭ مۇلكىن الاياقتىق جولمەن يەمدەنگەن ازامات قولعا ءتۇستى

ءتارتىپ ساقشىلارىنىڭ ايتۋىنشا، 33 جاستاعى ا. ەسىمدى ازامات، كوشەدە ءوتىپ بارا جاتقان ادامدارعا جاقىنداپ، قوڭىراۋ شالىپ الۋىن سۇراعان.

سەنىم بىلدىرگەن ازاماتتار جاس جىگىتتىڭ وتىنىشىنەن باس تارتقان جوق. قولىنا تەلەفوندى العان جاس جىگىت قاشىپ كەتكەن، سودان كەيىن ول ونى ارزان باعامەن قايتا ساتقان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

– جەدەل-ىزدەستىرۋ شارالارى بارىسىندا كۇدىكتى ۇستالدى. ءقازىر ونىڭ قاتىسۋىمەن ەكى الاياقتىق دەرەگى انىقتالدى. وسى ەپيزودتار بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى (الاياقتىق) بويىنشا،  ياعني الداۋ جانە سەنىمگە كىرۋ ارقىلى بىرنەشە رەت بوتەننىڭ مۇلكىن زاڭسىز يەمدەنۋ بويىنشا قىلمىستىق ءىس تىركەلدى، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.