اباي داڭعىلىنداعى ايالدامادا جولاۋشىلاردىڭ توپتالۋىنا قاتىستى قالالىق موبيلدىلىك باسقارما تۇسىنىكتەمە بەردى، دەپ حابارلايدى almaty-akshamy.kz
بۇعان دەيىن حابارلانعانداي، قالالىق موبيلدىلىك باسقارماسىنىڭ تاپسىرماسىنا سايكەس كولىك حولدينگى سۇرانىسقا يە ۋچاسكەلەردى انىقتاۋ جانە ءتيىستى شارالار قابىلداۋ ءۇشىن جولاۋشىلار اعىنىنا قاتىستى اناليز جۇرگىزۋدە.
بۇل ۋچاسكەدە №55، №49، №142، №78 جانە №110 مارشرۋتتار جۇرەدى.
جولاۋشىلاردىڭ ەڭ كوپ بولىگى №55 جانە №49 مارشرۋتتاردا تىركەلگەن. جولاۋشىلار اعىنىن ساراپتاۋدىڭ الدىن الا قورىتىندىسىنا سايكەس قالالىق موبيلدىلىك باسقارماسى تاسىمالداۋشىلارمەن بىرلەسە وتىرىپ اتالعان مارشرۋتتاردى قاربالاس ۋاقىتتا كۇشەيتۋ تۋرالى شۇعىل شەشىم قابىلدادى. 12 قىركۇيەكتەن باستاپ №55 مارشرۋتقا قوسىمشا 6 اۆتوبۋس شىعارىلادى.
وسىلايشا، 18 اۆتوبۋستىڭ ءجۇرۋ جيىلىگى 11 مينۋتتان 7 مينۋتقا دەيىن قىرقارادى دەپ كۇتىلۋدە. №49 مارشرۋتتا قاربالاس ۋاقىتتا 8 اۆتوبۋستىڭ ورنىنا 12 اۆتوبۋس قىزمەت كورسەتەتىن بولادى. بۇل شارا اۆتوبۋستى كۇتۋ ۋاقىتىن 13 مينۋتتان 7-8 مينۋتقا دەيىن ازايتادى دەپ كۇتىلۋدە.