الماتىدا وزدەرىن تجم قىزمەتكەرىمىز دەپ تانىستىرعان الاياقتار ۇستالدى

بۇل قىلمىستىڭ جازاسى - مۇلكى تاركىلەنىپ، 7 جىلعا دەيىن باس بوستاندىعىنان ايىرۋ.

الماتى پروكۋراتۋراسى ءوزىن توتەنشە جاعدايلار مينيسترلىگى قىزمەتكەرلەرىمىز دەپ تانىستىرىپ، جەرگىلىكتى كاسىپكەرلەردەن اقشا بوپسالاعان «نۇر-سۇلتان پروم بەزوپاسنوست» ج ش س قىزمەتكەرلەرىنە قاتىستى سوتالدى تەرگەۋدى اياقتادى، دەپ حابارلايدى Almaty-akshamy.kz

قاداعالاۋ ورگانىنىڭ باسپا ءسوز قىزمەتىنىڭ مالىمەتىنشە، تەرگەۋ كەزىندە كۇدىكتىلەردىڭ الماتىداعى ناۋرىزباي جانە اۋەزوۆ اۋداندارىنداعى 24 كاسىپكەرگە قاتىستى بوپسالاۋ ىسىنە قاتىسى بارى انىقتالعان.

ءبىرىنشى كەزەڭدە ۇيىمنىڭ تەحنيكالىق قىزمەتكەرى رەتىندە ەسەپتە تۇرعان 1991 جانە 1995 جىلى تۋعان ەكى ادام ۇستالدى. كەيىننەن سەرىكتەستىك ديرەكتورىنىڭ 1995 جىلعى ورىنباسارىنىڭ قاتىسى بار ەكەنى انىقتالدى، وعان دا قازاقستان رەسپۋبليكاسى قىلمىستىق كودەكسىنىڭ 190-بابى 3-بولىگى 4-تارماعى «بىرنەشە رەت جاسالعان الاياقتىق» بويىنشا ايىپ تاعىلعان.

«بۇل قىلمىستىڭ جازاسى - مۇلكى تاركىلەنىپ، 7 جىلعا دەيىن باس بوستاندىعىنان ايىرۋ. سوتالدى تەرگەپ-تەكسەرۋ قورىتىندىسى بويىنشا، الماتى قالاسى ناۋرىزباي اۋدانىنىڭ پروكۋراتۋراسى قىلمىستىق ءىستى سوتقا قاراۋعا جىبەردى. مۇنداي زاڭسىز ارەكەتتەر بيزنەسكە قىسىمدى تومەندەتۋ بويىنشا جۇرگىزىلىپ جاتقان مەملەكەتتىك شارالاردىڭ بەدەلىن تۇسىرەدى جانە زيان كەلتىرەدى»، - دەدى پروكۋراتۋرا.