ناقتىراق ايتقاندا، ەر ادامنىڭ دەنەسى ورماننان تابىلعان.
الماتىدا تۇراتىن 32 جاستاعى ەر ادام وتكەن جىلدىڭ 13 ناۋرىزىندا جوعالدى. ساعات 6:30 شاماسىندا رايىمبەك داڭعىلىندا جۇمىستان شىعىپ، ۇيىنە قاراي كەتكەن ول سول ۋاقىتتان بەرى ءىز-تۇزسىز جوعالعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
تۋىستارىنىڭ ارىزىنان سوڭ ءتارتىپ ساقشىلارى جەدەل ىزدەستىرۋ شارالارىنا كىرىستى. ولارعا ەرىكتىلەر دە اتسالىسقان. الايدا ازاماتتى تابۋ مۇمكىن بولمادى.
«ەر ادامنىڭ دەنەسى وسكەمەن ىرگەسىندەگى ورماننان تابىلدى. اتالعان فاكتى بويىنشا سوتقا دەيىنگى تەرگەۋ امالدارى باستالدى. ءبىرقاتار ساراپتاما تاعايىندالعان. ءولىمنىڭ ناقتى سەبەبى سودان كەيىن بەلگىلى بولادى»، - دەپ حابارلادى شقو پوليسيا دەپارتامەنتىنىڭ باسپا ءسوز قىزمەتى.